|    Jul 27 Thu, 2017 10:17 pm
FLASH NEWS
Home   >  Kerala   >  

സോളാര്‍ കേസില്‍ ഹൈക്കോടതിയുടെ വിമര്‍ശനമേറ്റ വിജിലന്‍സ് ജഡ്ജി സ്വയം വിരമിക്കുന്നു

Published : 29th January 2016 | Posted By: G.A.G

courtകൊച്ചി : സോളാര്‍ കേസില്‍ സരിത എസ് നായരുടെ വെളിപ്പെടുത്തലിന്റെ അടിസ്ഥാനത്തില്‍ മുഖ്യമന്ത്രി ഉമ്മന്‍ചാണ്ടിക്കും മന്ത്രി ആര്യാടന്‍ മുഹമ്മദിനുമെതിരേ എഫ്‌ഐആര്‍ രജിസ്റ്റര്‍ ചെയ്ത് അന്വേഷണം നടത്താന്‍ ഉത്തരവിട്ട തൃശൂര്‍ വിജിലന്‍സ് കോടതി ജഡ്ജി എസ് എസ് വാസവന്‍ സ്വയം വിരമിക്കലിന് അപേക്ഷ നല്‍കി.

മുഖ്യമന്ത്രിക്കും ആര്യാടന്‍ മുഹമ്മദിനും എതിരായ വിധി രണ്ടു മാസത്തേക്ക് സ്‌റ്റേ ചെയ്യുന്നതായി ഉത്തരവിട്ട ഹൈക്കോടതി ജസ്റ്റിസ് പി ഉബൈദ് വിജിലന്‍സ് കോടതി വിധിക്കെതിരെ രൂക്ഷമായ പരാമര്‍ശങ്ങള്‍ നടത്തിയതിന് തൊട്ടുപിന്നാലെയാണ് വാസവന്‍ വിരമിക്കലിന് അപേക്ഷ നല്‍കിയത്.

നിയമവ്യവസ്ഥയെക്കുറിച്ചും മുന്‍കാല വിധികളെക്കുറിച്ചും അറിവില്ലാത്തതുപോലെയാണ് വിജിലന്‍സ് ജഡ്ജി പ്രവര്‍ത്തിച്ചതെന്നും വിജിലന്‍സ് ജഡ്ജിക്കെതിരെ ഹൈക്കോടതിയുടെ ഭരണവിഭാഗം അന്വേഷണം നടത്തേണ്ടിവരുമെന്നും ഹൈക്കോടതി ആരോപിച്ചിരുന്നു.

ഈ പരാമര്‍ശങ്ങളെത്തുടര്‍ന്നാണ് വാസവന്‍ സ്ഥാനമൊഴിയാന്‍ രണ്ടുവര്‍ഷം ബാക്കിനില്‍ക്കേ വിരമിക്കലിന് അപേക്ഷ നല്‍കിയത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക