|    Sep 22 Sat, 2018 6:36 pm
FLASH NEWS
Home   >  Todays Paper  >  Page 5  >  

സൈന്യത്തിന്റെ സഹായം തേടിയിരുന്നു

Published : 19th August 2018 | Posted By: kasim kzm

തിരുവനന്തപുരം: പ്രളയത്തിന്റെ ആദ്യഘട്ടത്തില്‍ തന്നെ സൈന്യത്തിന്റെ സഹായം തേടിയിരുന്നതായി മുഖ്യമന്ത്രി പിണറായി വിജയന്‍. ദുരന്തമേഖലകളില്‍ സിവില്‍ ഭരണകൂടത്തെ സഹായിക്കുകയാണ് സൈന്യത്തിന്റെ ചുമതല. ഒരിടത്തും ഒരിക്കലും സൈന്യം മാത്രമായി ദുരിതാശ്വാസപ്രവര്‍ത്തനങ്ങള്‍ നടത്തിയിട്ടില്ലെന്നും അദ്ദേഹം വാര്‍ത്താസമ്മേളനത്തില്‍ പറഞ്ഞു. കേന്ദ്രസേന നിലവില്‍ പ്രശംസനീയമായ രക്ഷാപ്രവര്‍ത്തനമാണു നടത്തിവരുന്നത്.
എന്നാല്‍, ആദ്യഘട്ടത്തില്‍ ഉപകരണങ്ങള്‍ എത്തിക്കുന്നതില്‍ സേനയ്ക്ക് വീഴ്ചയുണ്ടായി. ദുരന്തത്തില്‍ ഇന്നലെ മാത്രം 33 പേര്‍ മരിച്ചു. പ്രാഥമിക കണക്കുകള്‍ പ്രകാരം 19,512 കോടിയുടെ നഷ്ടം സംഭവിച്ചിട്ടുണ്ട്. നൂറ്റാണ്ടിന്റെ വലിയ പ്രളയക്കെടുതിയാണ് കേരളം ഇപ്പോള്‍ നേരിടുന്നത്. രക്ഷാപ്രവര്‍ത്തനം ലക്ഷ്യത്തോടടുക്കുന്നുണ്ട്. ഇന്നലെ മാത്രം രക്ഷാപ്രവര്‍ത്തകര്‍ 58506 പേരെ രക്ഷപ്പെടുത്തി. മഴയും ന്യുനമര്‍ദവുമാണ് കാര്യങ്ങള്‍ സങ്കീര്‍ണമാക്കിയത്. അപകടം സംബന്ധിച്ച് ജനങ്ങള്‍ക്ക് നേരത്തേ മുന്നറിയിപ്പ് നല്‍കിയിരുന്നു. പക്ഷേ, മുന്‍ധാരണകള്‍ വച്ച് ഒഴിഞ്ഞുപോവാത്തവര്‍ ഉണ്ടായിരുന്നു. എന്നാല്‍, സ്ഥിതി മറ്റൊന്നായി. ദുരന്തം മുന്നില്‍ കണ്ട് ദീര്‍ഘകാല പദ്ധതികള്‍ ആസൂത്രണം ചെയ്തിരുന്നു.
നാടിന്റെ രാഷ്ട്രീയസംസ്‌കാരമാണ് കെടുതിയെ അതിജീവിക്കാന്‍ കരുത്തായത്. ഏത് കേരളീയനും ഇതില്‍ അഭിമാനിക്കാം. ദുരിതാശ്വാസ പ്രവര്‍ത്തനങ്ങള്‍ സംബന്ധിച്ച് രാവിലെയും വൈകീട്ടും അവലോകനയോഗം ചേര്‍ന്ന് തീരുമാനങ്ങള്‍ യഥാസമയം ജനങ്ങളെ അറിയിക്കുന്നുണ്ടെന്നും അദ്ദേഹം കൂട്ടിച്ചേര്‍ത്തു.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss