|    Nov 18 Sat, 2017 2:53 am
Home   >  Pravasi  >  Gulf  >  

സൈനിക സഹകരണം: ഇന്ത്യന്‍ പ്രതിരോധ മന്ത്രി യുഎഇയില്‍

Published : 24th May 2016 | Posted By: sdq
Satellite

ഇന്ത്യന്‍ പ്രതിരോധ മന്ത്രി മനോഹര്‍ പരീഖിനെ യു.എ.ഇ. പ്രതിരോധ മന്ത്രി മുഹമ്മദ് അഹമ്മദ് സ്വികരിക്കുന്നു

അബുദബി:  ഇരു രാജ്യങ്ങളും തമ്മിലുള്ള സൈനിക സഹകരണം മെച്ചപ്പെടുത്താനായി ഇന്ത്യന്‍ പ്രതിരോധ മന്ത്രി മനോഹര്‍ പരീഖറും അബുദബി കിരീടാവകാശി ശൈഖ് മുഹമ്മദ് ബിന്‍ സായിദും ഇന്നലെ അബുദബിയില്‍ കൂടിക്കാഴ്ച നടത്തി. ഇരു രാജ്യങ്ങള്‍ക്കും താല്‍പ്പര്യമുള്ള വിഷയങ്ങള്‍ക്ക് പുറമെ ഗള്‍ഫ് മേഖലയിലേയും ആഗോള സംഭവ വികാസങ്ങളും ഇരുവരും ചര്‍ച്ച നടത്തി. കൂടിക്കാഴ്ചയില്‍ യു.എ.ഇ. പ്രതിരോധ മന്ത്രി മുഹമ്മദ് അഹമ്മദ്, യു.എ.ഇ.ആംഡ് ഫോഴ്‌സ് ചീഫ് ഓഫ് സ്റ്റാഫ് ലെഫ്റ്റനന്റ് ഹമാദ് മുഹമ്മദ്, ഇന്ത്യന്‍ അംബാസിഡര്‍ ടി.പി. സീതാറാം എന്നിവരും പങ്കെടുത്തു. മേഖലയില്‍ സുരക്ഷയും സമാധാനാവും ഉറപ്പാക്കാന്‍ തീവ്രവാദത്തെ നേരിടാന്‍ ലോകരാജ്യങ്ങള്‍ക്കൊപ്പം സഹകരിച്ച് പ്രവര്‍ത്തിക്കാന്‍ ഇരു രാജ്യങ്ങളും തീരുമാനിച്ചു. യു.എ.ഇ. വിദേശകാര്യ മന്ത്രി ശൈഖ് അബ്ദുല്ല ബിന്‍ സായിദുമായും പരീഖര്‍ കൂടിക്കാഴ്ച നടത്തി.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക