|    Jan 17 Wed, 2018 12:48 am
FLASH NEWS

സൈക്കിളുമായി കടക്കാന്‍ ശ്രമിച്ച യുവാവിനെ പിടികൂടി

Published : 11th May 2016 | Posted By: SMR

മണ്ണഞ്ചേരി: സൈക്കിളുമായി കടക്കാന്‍ ശ്രമിച്ച യുവാവിനെ നാട്ടുകാര്‍ പിടികൂടി പോലിസില്‍ ഏല്‍പ്പിച്ചു. പ്രതിയോടൊപ്പം വാദിയെയും ജീപ്പില്‍ കൊണ്ടുപോവാന്‍ ശ്രമിച്ചത് വിവാദമായി. കലവൂര്‍ സബ്‌രജിസ്റ്റാര്‍ ഓഫിസിന് മുന്നില്‍ ഇന്ന് ഉച്ചയ്ക്ക് 12നാണ് സംഭവം.
പ്രീതികുളങ്ങര പാണാപടിക്കല്‍ അനിലിന്റെ ഭാര്യ ശ്രീജയുടെ സൈക്കിളാണ് എടുത്തുകൊണ്ടുപോയത്. സാധനം വാങ്ങാന്‍ വന്ന അനില്‍ സൈക്കിള്‍ സബ്‌രജിസ്റ്റാര്‍ ഓഫിസിന് മുന്നില്‍ വച്ച ശഷം കടയില്‍ പോയപ്പോഴാണ് സൈക്കിളുമായി യുവാവ് കടന്നത്. ഇതേ തുടര്‍ന്ന് നാട്ടുകാര്‍ പിന്തുടര്‍ന്ന് ഇയാളെ പിടികൂടി. മണ്ണഞ്ചേരി പോലിസിനെ അറിയിച്ചെങ്കിലും വളരെ വൈകിയാണെത്തിയതെന്ന് ആക്ഷേപമുയര്‍ന്നു. എന്നാല്‍ എസ്‌ഐ, എഎസ്‌ഐ എന്നിവരുടെ മുന്നില്‍ വച്ച് സൈക്കിളിന്റെ ഉടമസ്ഥനായ അനിലിനെ ചീത്തവിളിച്ച് ഭീഷണിപ്പെടുത്തിയ യുവാവിനെ സംരക്ഷിക്കാനാണ് എസ്‌ഐ ശ്രമിച്ചത്.
കൂടാതെ പ്രതിയെ സുരക്ഷിതമായി ജീപ്പില്‍ ഇരുത്തിയ ശേഷം നാട്ടുകാര്‍ നോക്കിനില്‍ക്കെ അനിലിനെ കുത്തിനു പിടിച്ച് ജീപ്പില്‍ കയറ്റി.എന്നാല്‍ നാട്ടുകാര്‍ പ്രതികരിച്ചതിനെ തുടര്‍ന്ന് അനിലിനെ ഇറക്കിവിട്ടു. സൈക്കിളുമായി സ്റ്റേഷനില്‍ ചെല്ലാന്‍ നിര്‍ദേശവും നല്‍കി. സൈക്കിളുമായി കടക്കാന്‍ ശ്രമിച്ച യുവാവ് മോഷ്ടാവല്ലെന്നാണ് പോലിസ് ഭാഷ്യം.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day