|    Aug 21 Tue, 2018 5:31 am
FLASH NEWS
Home   >  Todays Paper  >  page 12  >  

സൂര്യന് ചുറ്റും അദ്ഭുത വലയം ദൃശ്യമായി

Published : 15th May 2018 | Posted By: kasim kzm

കുമളി: സൂര്യന് ചുറ്റും അദ്ഭുത വലയം ദൃശ്യമായത് കൗതുകമായി. മലയോര മേഖലയിലെ ഈ നവ്യാനുഭവം ആയിരങ്ങള്‍ക്ക് കാഴ്ചയുടെ വിരുന്നായി. തിങ്കളാഴ്ച രാവിലെയാണ് സൂര്യനു ചുറ്റും അദ്ഭുത വലയം പ്രത്യക്ഷമായത്. സൂര്യനു ചുറ്റും ചുവന്നതും നീലയുമായ വലയം മലയോര മേഖലയായ കുമളി ഉള്‍പ്പെടെയുള്ള സ്ഥലങ്ങളിലാണ് അരമണിക്കൂറോളം ദൃശ്യമായത്. രാവിലെ 11.50നും 12.20നുമിടയിലാണ് മഴവില്ലിന് സമാനമായ ഈ പ്രതിഭാസം പ്രത്യക്ഷമായത്. ആദ്യമായാണ് ഈ മേഖലയിലെ ആളുകള്‍ സൂര്യനു ചുറ്റും ഇത്തരത്തിലൊരു വലയം കാണുന്നത്.
വാനനിരീക്ഷകര്‍ക്കിടയില്‍ 22 ഡിഗ്രി സര്‍ക്കുലര്‍ ഹാലോ എന്നാണ് ഈ പ്രതിഭാസം അറിയപ്പെടുന്നത്. ലോലമായ മേഘപാളിയിലൂടെ സൂര്യന്റെയോ ചന്ദ്രന്റെയോ രശ്മികള്‍ പ്രതിഫലിച്ച് പ്രകാശിക്കുമ്പോഴാണ് ഈ പ്രതിഭാസം ഉണ്ടാവുന്നതെന്നാണ് ശാസ്ത്രരേഖകള്‍ പറയുന്നത്. തണുത്ത രാജ്യങ്ങളില്‍ ഇത് നിത്യസംഭവമാണെങ്കിലും ഹൈറേഞ്ചില്‍ ഇത് അപൂര്‍വമാണ്. നിരവധി പേരാണ് ഈ ദൃശ്യം കാണാന്‍ തടിച്ചുകൂടിയത്. ആളുകള്‍ മൊബൈല്‍ കാമറകളിലും മറ്റും ഇതിന്റെ ദൃശ്യം പകര്‍ത്തുകയും ചെയ്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss