|    Sep 26 Wed, 2018 11:00 am
FLASH NEWS

സൂപ്പിക്കടയില്‍ കേന്ദ്രസംഘം വീണ്ടുമെത്തി

Published : 28th May 2018 | Posted By: kasim kzm

പേരാമ്പ്ര: നിപ വൈറസ് ബാധക്ക് കേരളത്തില്‍ തുടക്കം കുറിച്ച ചങ്ങരോത്ത് സൂപ്പിക്കടയില്‍ പരിസ്ഥിതി പഠനത്തിനും വവ്വാലുകളുടെ ആവാസ കേന്ദ്രങ്ങളെ കുറിച്ച് പഠനം നടത്തുന്നതിനുമായി പുതിയ കേന്ദ്ര സംഘം ഇന്നലെ വീണ്ടും സൂപ്പിക്കടയില്‍ എത്തി. രോഗത്തിന് തുടക്കം കുറിക്കുകയും മൂന്ന് മരണങ്ങള്‍ നടക്കുകയും ചെയ്ത മൂസയുടെ വീട്, അമ്പാറ്റയിലെ വീട് പരിസര പ്രദേശങ്ങള്‍ വവ്വാലുകള്‍ കൂട്ടമായി താമസിക്കുന്ന സ്ഥലങ്ങള്‍ എന്നിവിടങ്ങളില്‍ സംഘം സന്ദര്‍ശനം നടത്തി.
എന്‍സിഡിസി ഡയറക്ടര്‍ ഡോ. സംഗല്‍ കൂല്‍ക്കര്‍ണിയുടെ നേതൃത്വത്തിലുള്ള സംഘത്തില്‍ ഡോ.അംഗുര്‍ ഗാര്‍ങ്, ഡോ. സുനിത്ത് (എന്‍ഐവി), ഡോ. അജിത് ജിയേ (റാം മനോഹര്‍ ലോഹ്യ ആശുപത്രി), ഡോ. ആര്‍ രാജേന്ദ്രന്‍( എന്‍സിഡിസി കോഴിക്കോട് റീജ്യന്‍) എന്നിവരാണ് ഉണ്ടായിരുന്നത്. ചങ്ങരോത്ത് ഗ്രാമപ്പഞ്ചായത്ത് വൈസ് പ്രസിഡന്റ് എന്‍ പി വിജയന്‍, സ്റ്റാന്റിങ് ചെയര്‍മാന്‍ ഇ ടി  സരീഷ്, അംഗം കെ പി  ജയേഷ്, ഹെല്‍ത്ത് ഇന്‍സ്പക്ടര്‍ കെ എം രാജന്‍, ജെഎച്ച്‌ഐ സുരേഷ് തുടങ്ങിയവരുടെ നേതൃത്വത്തിലാണ് സംഘം പ്രദേശങ്ങള്‍ സന്ദര്‍ശിച്ചത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss