|    Dec 11 Tue, 2018 1:23 am
FLASH NEWS

സൂപ്പര്‍ സ്‌പെഷ്യാലിറ്റി ഡയാലിസിസ് യൂനിറ്റില്‍ എസി പ്രവര്‍ത്തനരഹിതം

Published : 24th April 2018 | Posted By: kasim kzm

കോഴിക്കോട്: മെഡിക്കല്‍കോളജ് സൂപ്പര്‍ സ്‌പെഷ്യാലിറ്റി സ്‌നേഹസ്പര്‍ശം ഡയാലിസിസ് യൂനിറ്റിലെ എയര്‍ കണ്ടീഷനറുകള്‍ പ്രവര്‍ത്തിക്കാത്തത് രോഗികള്‍ക്ക് ദുരിതമാവുന്നു. പത്തു ഡയാലിസിസ് യന്ത്രങ്ങളാണ് ഇവിടെയുള്ളത്. ഡയാലിസിസിനായി ഒരു രോഗിക്കു നാലു മുതല്‍ അഞ്ചു മണിക്കൂര്‍ വരെ സമയമെടുക്കുന്നു. ചൂട് കൂടിവരുന്നതിനാല്‍ രോഗികള്‍ ഏറെ ബുദ്ധിമുട്ടുകയാണ്. എയര്‍കണ്ടീഷണറുകള്‍ പ്രവര്‍ത്തിക്കാത്തതിനാല്‍ യന്ത്രങ്ങളും വേഗത്തില്‍ തകരാറിലാവാന്‍ സാധ്യതയുണ്ട്. ശീതീകരണസംവിധാനത്തില്‍ മാത്രമേ ഡയാലിസിസ് യന്ത്രം പ്രവര്‍ത്തിക്കാന്‍ പാടുള്ളൂവെന്നാണ് ബന്ധപ്പെട്ടവര്‍ പറയുന്നത്.
ആഴ്ചയില്‍ മൂന്നു തവണയാണ് ഒരാളെ ഇവിടെ ഡയാലിസിസിനു വിധേയമാക്കുന്നത്. ചൂട് കൂടിവരുമ്പോള്‍ ഡയാലിസിസ് യൂനിറ്റിന്റെ ജനവാതില്‍ തുറന്നിടാറാണ് ചെയ്യുന്നത്. ഇങ്ങനെ ചെയ്യാന്‍ പാടില്ലെങ്കിലും ചൂടു കൂടുമ്പോള്‍ ഇതല്ലാതെ രക്ഷയില്ലെന്നുമാണ് ബന്ധപ്പെട്ടവര്‍ പറയുന്നത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss