|    Jan 24 Tue, 2017 4:31 am

സുവര്‍ണ നേട്ടത്തിനു സാക്ഷിയാവാന്‍ കുഞ്ഞുസാന്ദ്രയുടെ വലിയ ബന്ധുബലം

Published : 1st February 2016 | Posted By: SMR

കോഴിക്കോട്: സംസ്ഥാന കായിക മേളയില്‍ തങ്ങളുടെ കുടുംബത്തിലെ കൊച്ചുമിടുക്കിയുടെ പ്രകടനം കാണാനാവാത്തതിന്റെ നിരാശ കളത്തില്‍ വീട്ടുകാര്‍ക്ക് ഇന്നലെ വരെ ഉണ്ടായിരുന്നു. ജൂനിയര്‍ പെണ്‍കുട്ടികളുടെ 3000 മീറ്ററില്‍ സാന്ദ്ര സുരേന്ദ്രന്‍ ഇന്നലെ സ്വര്‍ണത്തിലേക്ക് നടന്നടുക്കുമ്പോള്‍ മനം നിറയെ ആ കാഴ്ച ആസ്വദിക്കുകയായിരുന്നു നെന്‍മാറയില്‍ നിന്നെത്തിയ ബന്ധുക്കളുടെ ആ പതിനഞ്ചംഗ സംഘം.
സ്വര്‍ണം നേടിയപ്പോള്‍ സ്‌റ്റേഡിയത്തിലേക്ക് ആദ്യം ഓടിയെത്തിയത് കൊച്ചു സാന്ദ്രയുടെ ഇരട്ടകളായ രേഖ, രശ്മി എന്നീ അനുജത്തിമാരും അമ്മയും അച്ഛനുമായിരുന്നു. ഒപ്പം ബന്ധുക്കളും നാട്ടുകാരും. വലിയ പ്രതീക്ഷയോടെതന്നെയാണ് ഇവരെല്ലാം സാന്ദ്രയ്ക്ക് കൂട്ടുപോന്നത് എന്നതിന്റെ തെളിവായിരുന്നു നാട്ടുകാരുടെയും വീട്ടുകാരുടെയും ആ കൂട്ടം.
പ്രതേ്യക വാഹനം പിടിച്ചാണ് അവര്‍ കുടുംബാംഗങ്ങള്‍ക്കൊപ്പം ഇന്നലെ കോഴിക്കോട്ടെ ഒളിംപ്യന്‍ റഹ്മാന്‍ സ്‌റ്റേഡിയത്തിലെത്തിയത്.
നെന്‍മാറ പഴതറ ചേരാമംഗലം കളത്തില്‍ വീട്ടില്‍ സുരേന്ദ്രന്റെയും സരസ്വതിയുടെയും മകളായ സാന്ദ്രയ്ക്ക് സ്വര്‍ണം ലഭിച്ചതോടെ നാട്ടിലും ഉല്‍സവാന്തരീക്ഷമായിരുന്നു.

Share on FacebookShare on Google+Tweet about this on TwitterShare on LinkedIn
(Visited 47 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക