|    Sep 25 Tue, 2018 3:32 am
FLASH NEWS
Home   >  Todays Paper  >  Page 4  >  

സുരക്ഷയ്ക്കായി എത്തിയ പോലിസുകാരന് പാമ്പു കടിയേറ്റു

Published : 25th May 2018 | Posted By: kasim kzm

നെടുമ്പാശ്ശേരി: ത്രിപുര മുഖ്യമന്ത്രിയുടെ സുരക്ഷയ്ക്കായി നെടുമ്പാശ്ശേരിയില്‍ എത്തിയ പോലിസുകാരനു ഹോട്ടലില്‍ വച്ച് പാമ്പുകടിയേറ്റു. ഇന്നലെ പുലര്‍ച്ചെയാണ് സംഭവം. വിമാനത്താവളത്തിനടുത്തുള്ള ഹോട്ടലില്‍ മുഖ്യമന്ത്രി ബിപ്ലബ് കുമാര്‍ തങ്ങുമ്പോള്‍ അവിടെ ഡ്യൂട്ടിയിലായിരുന്ന കളമശ്ശേരി എആര്‍ ക്യാംപിലെ സിവില്‍ പോലിസ് ഓഫിസറായ റോജിനാണ് ഹോട്ടലില്‍ വച്ച് പാമ്പുകടിയേറ്റത്. പാമ്പിനെ അപ്പോള്‍ തന്നെ തല്ലിക്കൊന്നു. ത്രിപുര മുഖ്യമന്ത്രിയുടെ സുരക്ഷയ്ക്കായി ഇവിടെ ആറു പോലിസ് ഉദ്യോഗസ്ഥരെയാണ് നിയോഗിച്ചിരുന്നത്. കൊച്ചിയില്‍ ബുധനാഴ്ച എത്തിയ ത്രിപുര മുഖ്യമന്ത്രി അന്നു വൈകീട്ട് വിമാനത്താവളത്തിനു സമീപത്തെ ഹോട്ടലിലാണ് തങ്ങിയത്. ഇതേത്തുടര്‍ന്നാണ് പോലിസുകാര്‍ ഈ ഹോട്ടലില്‍ എത്തിയത്.
എന്നാല്‍, സുരക്ഷയ്ക്ക് എത്തിയ പോലിസുകാര്‍ക്ക് മുറി നല്‍കിയില്ല. പകരം സ്‌റ്റോര്‍ റൂമാണ് നല്‍കിയത്. ഇവിടെ വച്ചാണ് റോജിക്ക് പാമ്പുകടിയേറ്റത്. തുടര്‍ന്ന് ഇദ്ദേഹത്തെ അങ്കമാലിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. അപകടനില തരണം ചെയ്തതായി ആശുപത്രി അധികൃതര്‍ അറിയിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss