|    Oct 22 Sun, 2017 2:09 pm
FLASH NEWS
Home   >  Todays Paper  >  page 7  >  

സുബ്രഹ്മണ്യന്‍ സ്വാമിക്കും പരീക്കര്‍ക്കുമെതിരേ ഇന്ന് അവകാശലംഘന പ്രമേയം

Published : 13th May 2016 | Posted By: SMR

ന്യൂഡല്‍ഹി: അഗസ്ത വെസ്റ്റ്‌ലാന്റ് ചര്‍ച്ചയ്ക്കിടെ നുണ പറഞ്ഞുവെന്നാരോപിച്ച് ബിജെപി നേതാവ് സുബ്രഹ്മണ്യന്‍ സ്വാമിക്കും പ്രതിരോധമന്ത്രി മനോഹര്‍ പരീക്കര്‍ക്കുമെതിരേ കോണ്‍ഗ്രസ് ഇന്നു രാജ്യസഭയില്‍ അവകാശലംഘനത്തിന് നോട്ടീസ് നല്‍കും. രാജ്യസഭയില്‍ നടന്ന ചര്‍ച്ചയില്‍ തന്റെ വാദത്തിന് ബലം പകരാന്‍ സ്വാമി വിവരങ്ങള്‍ ശേഖരിച്ച ംംം.ുഴൗൃൗ.രീാ വെബ്‌സൈറ്റിനെതിരേ അപകീര്‍ത്തിക്കേസ് നല്‍കുമെന്നും എഐസിസി അറിയിച്ചു.
ചര്‍ച്ചയ്ക്കിടെ സ്വാമിയും പരീക്കറും നുണപറഞ്ഞുവെന്ന് കോണ്‍ഗ്രസ് വക്താവ് ജയറാം രമേശ് പറഞ്ഞു. ലോക്‌സഭയില്‍ പരീക്കര്‍ സാധൂകരിച്ച രേഖകള്‍ ഇറ്റാലിയന്‍ കോടതിയുടെ വിധിയല്ല. ഇറ്റാലിയന്‍ കോടതിയുടെ വിധിയില്‍ കോണ്‍ഗ്രസ് നേതൃത്വത്തെ കുറ്റപ്പെടുത്തുന്നില്ല. സ്വാമി അടിസ്ഥാനരഹിതമായ ആരോപണമാണുന്നയിച്ചത്. വ്യാജരേഖകള്‍ ഉപയോഗിച്ചാണു സ്വാമി നുണപറഞ്ഞത്. രാജ്യത്തെ തെറ്റിദ്ധരിപ്പിക്കാനാണു സ്വാമിയും പരീക്കറും ശ്രമിച്ചതെന്നും ഇവര്‍ ആരോപിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക