|    Jun 23 Sat, 2018 9:50 pm
FLASH NEWS

സുബൈദ വധംപ്രതികളുടെ തിരിച്ചറിയല്‍ പരേഡിന് പോലിസ് ഹരജി ഫയല്‍ ചെയ്തു

Published : 6th February 2018 | Posted By: kasim kzm

കാഞ്ഞങ്ങാട്: പെരിയ ആയമ്പാറ ചെക്കിപള്ളത്തെ സുബൈദ വധക്കേസില്‍ അറസ്റ്റിലായ പ്രതികളെ തിരിച്ചറിയല്‍ പരേഡിന് വിധേയമാക്കണമെന്നാവശ്യപ്പെട്ട് ബേക്കല്‍ സിഐ കാസര്‍കോട് സിജെഎം കോടതിയില്‍ ഹരജി നല്‍കി. പ്രതികളായ പട്‌ല കോട്ടക്കണ്ണിയിലെ കെ എം അബ്ദുല്‍ ഖാദര്‍(26), കുതിരപ്പാടിയിലെ പട്‌ല അസീസ് എന്ന അബ്ദുല്‍ അസീസ് എന്നിവരെയാണ് തിരിച്ചറിയല്‍ പരേഡിന് വിധേയമാക്കാന്‍ അപേക്ഷ നല്‍കിയത്.സുബൈദയുടെ വീടിന്റെ താക്കോല്‍ കൊലപാതകത്തിന് ശേഷം കാസര്‍കോട്ടെക്കുള്ള യാത്രയില്‍ ചന്ദ്രഗിരി പുഴയില്‍ വലിച്ചെറിഞ്ഞതായി പ്രതികള്‍ ചോദ്യം ചെയ്യലില്‍ വെളിപ്പെടുത്തിയിരുന്നു. ഈ താക്കോല്‍ കണ്ടെത്താന്‍ കഴിയുമോ എന്ന പരിശോധനയും നടക്കും. അതേ സമയം രണ്ട് പ്രതികളുടെ ഫോട്ടോകള്‍ നവ മാധ്യമങ്ങളിലൂടെ പുറത്തുവിട്ട സംഭവത്തെക്കുറിച്ച് അന്വേഷണ സംഘത്തിലെ ഉദ്യോഗസ്ഥനെതിരെ രഹസ്യാന്വേഷണ വിഭാഗം അന്വേഷണം ആരംഭിച്ചു. കൂടാതെ പിടികൂടാനുള്ള രണ്ട് പ്രതികള്‍ക്ക് വേണ്ടിയുള്ള അന്വേഷണവും ഊര്‍ജിതമാക്കി.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss