|    Aug 18 Sat, 2018 5:49 am
FLASH NEWS
Home   >  Todays Paper  >  Page 1  >  

സുനന്ദയുടെ മരണം: ശശി തരൂരിന് മുന്‍കൂര്‍ ജാമ്യം

Published : 6th July 2018 | Posted By: kasim kzm

ന്യൂഡല്‍ഹി: സുനന്ദ പുഷ്‌കറിന്റെ ദുരൂഹമരണം സംബന്ധിച്ച കേസില്‍ ഭര്‍ത്താവും കോണ്‍ഗ്രസ് നേതാവുമായ ശശി തരൂര്‍ എംപിക്ക് മുന്‍കൂര്‍ ജാമ്യം. ജാമ്യത്തുകയായി ഒരു ലക്ഷം രൂപ കെട്ടിവയ്ക്കണം. അനുമതിയില്ലാതെ വിദേശത്തേക്കു പോവരുതെന്നും ഉപാധികളിലുണ്ട്. തരൂര്‍ സമര്‍പ്പിച്ച ഹരജി പരിഗണിച്ച് പട്യാല ഹൗസ് കോടതി ജഡ്ജി അരവിന്ദ് കുമാറാണ് ജാമ്യം അനുവദിച്ചത്.
തരൂരിന് മുന്‍കൂര്‍ ജാമ്യം നല്‍കുന്നതിനെ ഡല്‍ഹി പോലിസ് എതിര്‍ത്തിരുന്നു. തരൂര്‍ സമൂഹത്തില്‍ ഏറെ സ്വാധീനമുള്ള ആളാണെന്നും സാക്ഷികളെ സ്വാധീനിക്കാനും വിദേശത്തേക്കു കടക്കാനും സാധ്യതയുണ്ടെന്നും പോലിസ് വാദിച്ചു.
എന്നാല്‍, ഈ വാദവും കുറ്റപത്രത്തിലെ വാദവും തമ്മില്‍ വൈരുധ്യമുണ്ടെന്നായിരുന്നു തരൂരിനു വേണ്ടി ഹാജരായ മുതിര്‍ന്ന അഭിഭാഷകരായ കപില്‍ സിബലും അഭിഷേക് മനു സിങ്‌വിയും ചൂണ്ടിക്കാട്ടിയത്.
അന്വേഷണവുമായി സഹകരിച്ചതുകൊണ്ടാണ് അദ്ദേഹത്തെ അറസ്റ്റ് ചെയ്യാതിരുന്നതെന്ന് ഡല്‍ഹി പോലിസ് കുറ്റപത്രത്തില്‍ പറയുന്നുണ്ടെന്നാണ് അഭിഭാഷകര്‍ ചൂണ്ടിക്കാട്ടിയത്. കേസിലെ ഏകപ്രതിയായ തരൂരിനെതിരേ ആത്മഹത്യാ പ്രേരണക്കുറ്റമാണ് ഡല്‍ഹി പോലിസ് ചുമത്തിയിരിക്കുന്നത്. കേസില്‍ അദ്ദേഹത്തോട് നാളെ നേരിട്ടു ഹാജരാവാനും കോടതി ആവശ്യപ്പെട്ടിട്ടുണ്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss