|    Nov 16 Fri, 2018 12:53 am
FLASH NEWS
Home   >  Todays Paper  >  page 7  >  

സീറ്റ് നിഷേധം: വെളിപ്പെടുത്തലുമായി യെദ്യൂരപ്പയുടെ മകന്‍

Published : 8th May 2018 | Posted By: kasim kzm

ബംഗളൂരു: കര്‍ണാടക നിയമസഭാ തിരഞ്ഞെടുപ്പില്‍ അവസരം നിഷേധിക്കപ്പെട്ടത് സംബന്ധിച്ച് വെളിപ്പെടുത്തലുമായി ബിജെപി നേതാവ് ബി എസ് യെദ്യൂരപ്പയുടെ മകന്‍ ബി വൈ വിജയേന്ദ്ര. കര്‍ണാടക മുഖ്യമന്ത്രി സിദ്ധരാമയ്യയുടെ മകന്‍ യതീന്ദ്ര കോണ്‍ഗ്രസ് സ്ഥാനാര്‍ഥിയായി ജനവിധി തേടുന്ന വരുണ മണ്ഡലത്തില്‍ വിജയേന്ദ്ര ബിജെപി സ്ഥാനാര്‍ഥിയാവുമെന്ന് വാര്‍ത്തകള്‍ വന്നിരുന്നു. എന്നാല്‍, ബിജെപി സ്ഥാനാര്‍ഥി പട്ടിക പ്രസിദ്ധീകരിച്ചപ്പോള്‍ വിജയേന്ദ്രയുടെ പേര് ഒഴിവാക്കി. തന്റെ നിര്‍ദേശപ്രകാരമാണ് മകന്‍ മല്‍സരരംഗത്തുനിന്ന് ഒഴിവായതെന്ന് യെദ്യൂരപ്പ വിശദീകരിക്കുകയും ചെയ്തു. എന്നാല്‍, ഒരു ഫോണ്‍കോള്‍ വന്ന ശേഷം തന്റെ പിതാവ് തന്നോട് തിരഞ്ഞെടുപ്പ് നാമനിര്‍ദശേ പത്രിക സമര്‍പ്പിക്കരുതെന്ന് ആവശ്യപ്പെടുകയായിരുന്നെന്ന് വിജയേന്ദ്ര വെളിപ്പെടുത്തി. ഏപ്രില്‍ 23നാണ് പിതാവിന് ഫോണ്‍ വ—ന്നത്. തുടര്‍ന്ന് രാവിലെ 11ഓടെ തന്നോട് മല്‍സരത്തില്‍ നിന്ന് പിന്‍മാറാന്‍ ആവശ്യപ്പെട്ടു. അതിനെക്കുറിച്ച് താന്‍ പിതാവിനോട് ഒന്നും ചോദിച്ചില്ലെന്നും വിജയേന്ദ്ര പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss