|    Oct 24 Tue, 2017 8:00 am
FLASH NEWS
Home   >  Kerala   >  

സി.പി.എമ്മില്‍ നിന്ന് അച്ഛന്‍ നേരിട്ട പീഡനങ്ങള്‍ ഓര്‍മപ്പെടുത്തി നികേഷിന് ജേഷ്ഠന്റെ കത്ത്

Published : 3rd May 2016 | Posted By: mi.ptk

Nikesh

കണ്ണൂര്‍: സി.പി.എമ്മില്‍ നിന്ന് എം വി രാഘവന്‍ നേരിട്ട പീഡനങ്ങള്‍ ഓര്‍മ്മപെടുത്തി അഴീക്കോടിലെ എല്‍.ഡി.എഫ് സ്ഥാനാര്‍ത്ഥി എം വി നികേഷ് കുമാറിന് ജേഷ്ഠന്റെ കത്ത്. എം വി രാഘവന്റെ മൂത്ത മകന്‍ എം വി ഗിരീഷ് കുമാറാണ് കത്തെഴുതിയത്.
മത്സരിക്കാന്‍ ഒരു സീറ്റ് കിട്ടിയപ്പോള്‍ സിപിഎം അച്ഛനോട് കാണിച്ച നെറികേടുകള്‍ സൗകര്യപൂര്‍വ്വം മറന്നതാണെന്ന് കരുതാനാണ് തനിയ്ക്ക്  ഇഷ്ടം എന്ന് കത്തില്‍ പറയുന്നു. ചെരുപ്പുമാലയിട്ടും കൂക്കിവിളിച്ചും കല്ലെറിഞ്ഞും ചിരട്ടകൊട്ടിയും പരിഹാസ്യനാക്കി മാര്‍ക്‌സിസ്റ്റുകാര്‍ നമ്മുടെ അച്ഛനെ നടത്തിയ കാഴ്ചകള്‍ മകനെന്ന നിലയിലും ജനാധിപത്യ വിശ്വാസി എന്ന നിലയിലും തന്റെ മനസില്‍ കല്ലിച്ചുകിടക്കുന്ന വേദനയാണെന്ന് കത്തില്‍ പറയുന്നു.
ബദല്‍രേഖ അവതരിപ്പിച്ചതിനുശേഷം സിപിഎം തള്ളിപറഞ്ഞ അച്ഛന് യുഡിഎഫിന്റെയും ജനങ്ങളുടെയും പിന്തുണ ഇല്ലായിരുന്നെങ്കില്‍ ടി പി ചന്ദ്രശേഖരന്റെ ഗതി വരില്ലായിരുന്നോ എന്നും ഗിരീഷ് കത്തിലൂടെ ചോദിക്കുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക