|    Mar 30 Thu, 2017 2:30 am
FLASH NEWS

സി എം സെന്റര്‍ ഗ്ലോബ് സ്‌കൂളിന് തുടക്കം കുറിച്ചു

Published : 23rd June 2016 | Posted By: G.A.G

madavoor

ദുബൈ: മടവൂര്‍ സി എം സെന്ററിന്റെ 26ാമത്തെ സ്ഥാപനമായ ഗ്ലോബ് സ്‌കൂളിന് തുടക്കം കുറിച്ചതായി ജനറല്‍ സെക്രട്ടറി ടി കെ അബ്ദുര്‍റഹ്മാന്‍ ബാഖവി ദുബൈയില്‍ വാര്‍ത്താസമ്മേളനത്തില്‍ അറിയിച്ചു.
മതഭൗതികകാരുണ്യ പ്രവര്‍ത്തന മേഖലയില്‍ 25 വര്‍ഷം പിന്നിട്ട മടവൂര്‍ സി എം സെന്റര്‍ വിദ്യാഭ്യാസ രംഗത്ത് വിപ്ലവം സൃഷ്ടിച്ച് മുന്നേറുകയാണ്. സ്ഥാപനത്തിന്റെ സില്‍വര്‍ ജൂബിലി സമാപനവും സി എം വലിയുല്ലാഹി ആണ്ട് നേര്‍ച്ചയും ജുലൈ 19, 20, 21 തിയ്യതികളില്‍ വിപുലമായി നടക്കുമെന്നും അദ്ദേഹം അറിയിച്ചു.
ഉദ്ഘാടന സമ്മേളനം, സിയാറത്ത്, കണ്‍വന്‍ഷനുകള്‍, സൗഹൃദ് സമ്മേളനം, ദഅ്‌വാ പ്രോഗ്രാം, ഹൈസ്‌കൂള്‍ ബില്‍ഡിംഗ് ഉദ്ഘാടനം, പ്രഫഷനലിസ്റ്റ് സംഗമം, അനുമോദന സംഗമം, സമാപന ആത്മീയ പ്രാര്‍ഥനാ സമ്മേളനം തുടങ്ങി നിരവധി പരിപാടികള്‍ മൂന്ന് ദിവസങ്ങളിലായി നടക്കും.
സുന്നി ജംഇയ്യത്തുല്‍ ഉലമാ ജനറല്‍ സെക്രട്ടറി കാന്തപുരം എ പി അബൂബക്കര്‍ മുസ്‌ലിയാര്‍, ഇ സുലൈമാന്‍ മുസ്‌ലിയാര്‍, സയ്യിദ് അലി ബാഫഖി, സയ്യിദ് യൂസുഫുല്‍ ബാഖാരി വൈലത്തൂര്‍, സയ്യിദ് ഇബ്‌റാഹീം ഖലീലുല്‍ ബുഖാരി, പൊന്മള അബ്ദുല്‍ ഖാദിര്‍ മുസ്‌ലിയാര്‍, പേരോട് അബ്ദുര്‍റഹ്മാന്‍ സഖാഫി, തദ്ദേശസ്വയംഭരണഹജ്ജ്‌വഖഫ് മന്ത്രി കെ ടി ജലീല്‍, പി ടി എ റഹീം എം എല്‍ എ, കാരാട്ട് റസാഖ് എം എല്‍ എ തുടങ്ങി ഒട്ടേറെ പ്രമുഖ വ്യക്തിത്വങ്ങള്‍ പങ്കെടുക്കും. സിദ്ദീഖ് മുസ്‌ലിയാര്‍, സുല്‍ഫിക്കര്‍ സഖാഫി, മുസ്തഫ ചേലാമ്പ്ര വാര്‍ത്താസമ്മേളനത്തില്‍ പങ്കെടുത്തു.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day