|    Jan 18 Thu, 2018 11:35 pm
FLASH NEWS
Home   >  Todays Paper  >  Page 5  >  

സിറോ മലബാര്‍ സഭയ്ക്കു രണ്ടു മെത്രാന്‍മാര്‍ കൂടി

Published : 13th January 2018 | Posted By: kasim kzm

കൊച്ചി: സിറോ മലബാര്‍ സഭയുടെ മധ്യപ്രദേശിലെ സാഗര്‍ രൂപതയ്ക്കും കേരളത്തിലെ ഇടുക്കി രൂപതയ്ക്കും പുതിയ മെത്രാന്‍മാര്‍ നിയമിക്കപ്പെട്ടു. സാഗര്‍ രൂപതയുടെ മെത്രാനായി ഫാ. ജെയിംസ് അത്തിക്കളം എംഎസ്ടിയും ഇടുക്കി രൂപതാ മെത്രാനായി ഫാ.ജോണ്‍ നെല്ലിക്കുന്നേലും നിയമിതരായി. ഇതുസംബന്ധിച്ചുള്ള ഔദ്യോഗിക പ്രഖ്യാപനം ഇന്നലെ ഇറ്റാലിയന്‍ സമയം 12.00 മണിക്ക് വത്തിക്കാനിലും ഇന്ത്യന്‍ സമയം ഉച്ചതിരിഞ്ഞ് 4.30ന് കാക്കനാട്ടുള്ള മൗണ്ട് സെന്റ് തോമസിലും നടക്കുകയുണ്ടായി. മൗണ്ട് സെന്റ് തോമസില്‍ സിറോ മലബാര്‍ സഭ മേജര്‍ ആര്‍ച്ച്ബിഷപ് കര്‍ദിനാള്‍ ജോര്‍ജ് ആലഞ്ചേരിയാണ് പ്രഖ്യാപനം നടത്തിയത്. തുടര്‍ന്ന് മാര്‍ ജോര്‍ജ് ആലഞ്ചേരി നിയുക്ത മെത്രാന്‍മാരെ സ്ഥാനചിഹ്നങ്ങള്‍ അണിയിച്ചു. നിയുക്ത മെത്രാന്‍മാരുടെ മെത്രാഭിഷേകവും സ്ഥാനാരോഹണവും സംബന്ധിച്ച തിയ്യതികള്‍ പിന്നീട് തീരുമാനിക്കും.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day