|    May 24 Thu, 2018 6:32 am
FLASH NEWS
Home   >  Todays Paper  >  page 9  >  

സിറിയ: യുഎസ് വ്യോമാക്രമണത്തില്‍ 57 മരണം

Published : 29th June 2017 | Posted By: fsq

 

ദമസ്‌കസ്: കിഴക്കന്‍ സിറിയയില്‍ ഐഎസ് നിയന്ത്രണത്തിലുള്ള ജയിലിനു നേരെ യുഎസ് നേതൃത്വത്തിലുള്ള സഖ്യസേന നടത്തിയ വ്യോമാക്രമണത്തില്‍ 57 പേര്‍ കൊല്ലപ്പെട്ടതായി ബ്രിട്ടന്‍ ആസ്ഥാനമായി പ്രവര്‍ത്തിക്കുന്ന സിറിയന്‍ യുദ്ധ നിരീക്ഷക സംഘടന. ദേയറുസ്സോര്‍ പ്രവിശ്യയിലെ അല്‍ മയ്ദീന്‍ നഗരത്തില്‍ ചൊവ്വാഴ്ചയുണ്ടായ ആക്രമണത്തില്‍ കൊല്ലപ്പെട്ടവരില്‍ ഭൂരിഭാഗവും സിവിലിയന്‍മാരായ തടവുപുള്ളികളാണെന്ന് സിറിയന്‍ മനുഷ്യാവകാശ നിരീക്ഷക സംഘടന അറിയിച്ചു. കൊല്ലപ്പെട്ടവരില്‍ 15 പേര്‍ ഐഎസ് പ്രവര്‍ത്തകരാണ്. 25, 26 തിയ്യതികളില്‍ മയ്ദീനിലെ ഐഎസ് കേന്ദ്രങ്ങള്‍ ലക്ഷ്യമാക്കി ആക്രമണം നടത്തിയെന്ന് യുഎസ് സെന്‍ട്രല്‍ കമാണ്ട് സ്ഥിരീകരിച്ചിട്ടുണ്ട്. അതേസമയം, സിവിലിയന്‍മാരായ തടവുപുള്ളികള്‍ കൊല്ലപ്പെട്ടെന്ന ആരോപണം സംബന്ധിച്ച് അന്വേഷിക്കുമെന്ന് സെന്‍ട്രല്‍ കമാണ്ട് അറിയിച്ചു. ഐഎസ് തലസ്ഥാനമായി ഗണിക്കപ്പെടുന്ന റഖ പിടിച്ചെടുക്കാന്‍ കുര്‍ദ് സഖ്യത്തെയും അറബ് പോരാളികളെയും യുഎസ് നേതൃത്വത്തിലുള്ള സഖ്യസേന പിന്തുണച്ചുവരുകയാണ്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss