|    Dec 12 Tue, 2017 4:03 pm
FLASH NEWS
Home   >  Todays Paper  >  page 9  >  

സിറിയന്‍ അഭയാര്‍ഥി യൂനിസെഫ് ഗുഡ്‌വില്‍ അംബാസഡര്‍

Published : 21st June 2017 | Posted By: fsq

 

വാഷിങ്ടണ്‍: യുഎന്നിനു കീഴില്‍ കുട്ടികളുടെ ക്ഷേമത്തിനായി പ്രവര്‍ത്തിക്കുന്ന യൂനിസെഫിന് പുതിയ ഗുഡ്‌വില്‍ അംബാസഡര്‍. 19കാരിയായ സിറിയന്‍ അഭയാര്‍ഥിയും വിദ്യാഭ്യാസ പ്രവര്‍ത്തകയുമായ മുസൂന്‍ അല്‍ മെല്ലിഹാന്‍ ആണ് പുതിയ ഗുഡ്‌വില്‍ അംബാസഡര്‍. യൂനിസെഫിന്റെ ഏറ്റവും പ്രായം കുറഞ്ഞ ഗുഡ്‌വില്‍ അംബാസഡര്‍ കൂടിയാണ് മുസൂന്‍. അഭയാര്‍ഥിയായ ഒരാള്‍ ആദ്യമായാണ് ഈ പദവിയിലെത്തുന്നതെന്ന് യൂനിസെഫ് ഡെപ്യൂട്ടി എക്‌സിക്യുട്ടീവ് ഡയറക്ടര്‍ ജസ്റ്റിന്‍ ഫോര്‍സിത് പറഞ്ഞു.ജോര്‍ദാനിലെ അഭയാര്‍ഥി ക്യാംപില്‍ കഴിയുമ്പോള്‍ യൂനിസെഫില്‍നിന്നു മികച്ച പിന്തുണയാണ് ലഭിച്ചതെന്ന് മുസൂന്‍ പറഞ്ഞു. യൂനിസെഫ് മുന്‍ ഗുഡ്‌വില്‍ അംബാസഡറും നടിയുമായ ഓഡ്രി ഹെപ്‌ബേണിന്റെ പിന്‍ഗാമിയായാണ് മുസൂന്‍ സ്ഥാനമേല്‍ക്കുന്നത്.സിറിയയില്‍ നിന്നു പലായനം ചെയ്യുമ്പോള്‍ സ്‌കൂള്‍ പുസ്തകങ്ങള്‍ മാത്രമായിരുന്നു തന്റെ കൈവശമുണ്ടണ്ടായിരുന്നത്. ബാലവേലയ്ക്കും ശൈശവ വിവാഹങ്ങള്‍ക്കും കുട്ടികള്‍ നിര്‍ബന്ധിതരായിത്തീരുന്നത് കാണേണ്ടിവന്നിട്ടുണ്ട്. അവരുടെ ശബ്ദമാവാനും അവര്‍ക്കു വിദ്യാഭ്യാസം നല്‍കാനും യൂനിസെഫിനോടു ചേര്‍ന്നു പ്രവര്‍ത്തിക്കുമെന്ന് മുസൂന്‍ വ്യക്തമാക്കി.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക