|    Oct 17 Tue, 2017 5:49 am
FLASH NEWS
Home   >  Todays Paper  >  page 7  >  

സിബിഐക്കെതിരേ കാര്‍ത്തി സുപ്രിംകോടതിയില്‍

Published : 5th October 2017 | Posted By: fsq

 

ന്യൂഡല്‍ഹി: എയര്‍സെല്‍ മാക്‌സിസ് കേസില്‍ സിബിഐ സമന്‍സ് പുറപ്പെടുവിച്ചതിനെ ചോദ്യം ചെയ്ത് മുന്‍ ധനമന്ത്രി പി ചിദംബരത്തിന്റെ മകന്‍ കാര്‍ത്തി ചിദംബരം സുപ്രിംകോടതിയില്‍ ഹരജി നല്‍കി. കേസില്‍ ചോദ്യം ചെയ്യാനായി സിബിഐ മുമ്പാകെ ഇന്നലെ ഹാജരാവാനാണ് സിബിഐ ആവശ്യപ്പെട്ടിരുന്നത്. തന്നെ ഹാജരാവാന്‍ നിര്‍ബന്ധിക്കരുതെന്ന് കാണിച്ചാണ് അഞ്ച് പേജ് വരുന്ന റിപോര്‍ട്ട് കാര്‍ത്തി സിബിഐക്ക് സമര്‍പ്പിച്ചത്. സിബിഐ സമന്‍സ് നിയമവിരുദ്ധവും ദുരുദ്ദേശ്യപരവുമാണെന്ന് കാര്‍ത്തി റിപോര്‍ട്ടില്‍ ചൂണ്ടിക്കാട്ടി. സിബിഐ നടപടിയെ ചോദ്യം ചെയ്ത് ഭരണഘടനയുടെ 32ാം അനുച്ഛേദം അനുസരിച്ചാണ് കാര്‍ത്തി സുപ്രിംകോടതിയില്‍ റിട്ട് ഹരജി സമര്‍പ്പിച്ചതെന്ന് കാര്‍ത്തിയുടെ അഭിഭാഷകന്‍ അറിയിച്ചു. കേസുമായി ബന്ധപ്പെട്ട് സപ്തംബര്‍ 29ന് പി ചിദംബരം സുപ്രിംകോടതിയില്‍ സത്യവാങ്മൂലം സമര്‍പ്പിച്ചിരുന്നുവെന്ന് ഹരജിയില്‍ ചൂണ്ടിക്കാട്ടി.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക