|    May 22 Mon, 2017 11:05 pm
FLASH NEWS

സിബിഎസ്ഇ പ്ലസ്ടു പരീക്ഷാഫലം: കേരളം ഒന്നാമത്

Published : 22nd May 2016 | Posted By: SMR

ന്യൂഡല്‍ഹി: സെന്‍ട്രല്‍ ബോര്‍ഡ് ഓഫ് സെക്കന്‍ഡറി എജ്യൂക്കേഷന്‍ (സിബിഎസ്ഇ) 12ാം ക്ലാസ് പരീക്ഷാഫലം പ്രഖ്യാപിച്ചു. 92 ആണു വിജയശതമാനം. കഴിഞ്ഞവര്‍ഷം ഇത് 83.05 ശതമാനമായിരുന്നു.
97.61 ശതമാനം വിജയത്തോടെ കേരളം (തിരുവനന്തപുരം മേഖല) രാജ്യത്തെ ഏറ്റവും മികച്ച വിജയം നേടുന്ന സംസ്ഥാനമായി. 92.63 ശതമാനം വിജയവുമായി ചെന്നൈയാണു രണ്ടാംസ്ഥാനത്ത്. ഡല്‍ഹി അശോക് വിഹാറിലെ മോണ്ട്‌ഫോര്‍ട്ട് സ്‌കൂള്‍ വിദ്യാര്‍ഥിനി സുകൃതി ഗുപ്ത 99.4 ശതമാനം മാര്‍ക്കോടെ ഒന്നാമതെത്തി. 500ല്‍ 497 മാര്‍ക്കാണ് സുകൃതി നേടിയത്.
ഹരിയാനയില്‍നിന്നുള്ള പാലക്ക് ഗോയല്‍ (496), സൗമ്യ ഉപാല്‍ (495) എന്നീ വിദ്യാര്‍ഥികള്‍ യഥാക്രമം രണ്ടും മൂന്നും സ്ഥാനങ്ങള്‍ കരസ്ഥമാക്കി.
10,67,900 വിദ്യാര്‍ഥികളാണ് ഇക്കുറി പരീക്ഷയെഴുതിയത്. ഇവരില്‍ 88.58 ശതമാനം ആണ്‍കുട്ടികളും 78.85 ശതമാനം പെണ്‍കുട്ടികളും വിജയിച്ചു. 6,21,259 ആണ്‍കുട്ടികളും 4,46,641 പെണ്‍കുട്ടികളും. ഡല്‍ഹിയില്‍നിന്നായിരുന്നു ഏറ്റവും കൂടുതല്‍ പേര്‍ പരീക്ഷയെഴുതിയത്. www.results.nic.in, www.cbseresults.nic.in and www.cbse.nic.in എന്നീ വെബ്‌സൈറ്റുകളില്‍ ഫലം അറിയാനാവും.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day