|    Oct 22 Mon, 2018 1:51 pm
FLASH NEWS
Home   >  Todays Paper  >  Page 1  >  

സിബിഎസ്ഇ പത്താം ക്ലാസ് പാസാവുന്നതിന് ഇളവ്

Published : 12th October 2018 | Posted By: kasim kzm

ന്യൂഡല്‍ഹി: പത്താം ക്ലാസ് പരീക്ഷയില്‍ ഇളവുകള്‍ വരുത്താന്‍ സിബിഎസ്ഇ തീരുമാനിച്ചു. ഓരോ വിഷയത്തിലും തിയറിക്കും പ്രാക്റ്റിക്കലിനും കൂടി 33 ശതമാനം മാര്‍ക്ക് നേടുന്ന വിദ്യാര്‍ഥികളെ വിജയിയായി പ്രഖ്യാപിക്കും. തിയറിക്കും പ്രാക്റ്റിക്കലിനും വേറെ വേറെ പാസ് മാര്‍ക്ക് വേണമെന്ന നിലവിലെ നിബന്ധന ഒഴിവാക്കി. അടുത്തവര്‍ഷം മുതല്‍ ഇതു പ്രാബല്യത്തില്‍ വരുമെന്ന് സിബിഎസ്ഇ ചെയര്‍മാന്‍ അനിത കാര്‍വാള്‍ പറഞ്ഞു. 2019 മുതല്‍ 10, 12 ക്ലാസ് വാര്‍ഷിക പരീക്ഷകള്‍ ഫെബ്രുവരിയില്‍ നടത്താനും തീരുമാനമായി. ഡല്‍ഹി ഹൈക്കോടതി നിര്‍ദേശത്തെ തുടര്‍ന്നാണ് നടപടി. സിബിഎസ്ഇ ഫലം വൈകുന്നതു കാരണം ഡല്‍ഹിയിലെ കോളജുകളില്‍ സിബിഎസ്ഇ വിദ്യാര്‍ഥികള്‍ക്ക് അപേക്ഷിക്കാനുള്ള സമയപരിധി അവസാനിക്കുന്നത് ചൂണ്ടിക്കാണിച്ച് സമര്‍പ്പിച്ച ഹരജിയിലാണ് പരീക്ഷാഫലം നേരത്തേയാക്കാന്‍ സിബിഎസ്ഇ അധികൃതര്‍ക്കു കോടതി നിര്‍ദേശം നല്‍കിയത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss