|    Aug 18 Sat, 2018 12:14 am
FLASH NEWS

സിബിഎസ്ഇ പത്താം ക്ലാസ് പരീക്ഷയില്‍ ജില്ലയിലെ സ്‌കൂളുകള്‍ക്ക് മികച്ച വിജയം

Published : 4th June 2017 | Posted By: fsq

 

കൊച്ചി: ഇന്നലെ ഫലം പ്രഖ്യാപിച്ച സിബിഎസ്ഇ പത്താം ക്ലാസ് പരീക്ഷയില്‍ ജില്ലയിലെ സ്‌കൂളുകള്‍ക്ക് മികച്ച വിജയം. ഭൂരിഭാഗം സ്‌കൂളുകള്‍ക്കും പരീക്ഷയെഴുതിയ എല്ലാ വിദ്യാര്‍ഥികളെയും വിജയിപ്പിക്കാനായി. തൃക്കാക്കര കൊച്ചിന്‍ പബ്ലിക് സ്‌കൂളില്‍ പരീക്ഷ എഴുതിയ 71 വിദ്യാര്‍ഥികളും വിജയിച്ചു. 15 പേര്‍ എല്ലാ വിഷയങ്ങള്‍ക്കും എ വണ്‍ ഗ്രേഡ് നേടി. 46 പേര്‍ക്ക് ഡിസ്റ്റിങ്ഷനും പത്തു വിദ്യാര്‍ഥികള്‍ക്ക് ഫസ്റ്റ് ക്ലാസുമുണ്ട്. കാഞ്ഞിരമറ്റം കെഎംജെ പബ്ലിക് സ്‌കൂളില്‍ പരീക്ഷ എഴുതിയ 22 പേരും വിജയിച്ചു. നാലുപേര്‍ എല്ലാ വിഷയങ്ങള്‍ക്കും എ വണ്‍ നേടി. മൂവാറ്റുപുഴ ഇലാഹിയ പബ്ലിക് സ്‌കൂളില്‍ 97 കുട്ടികളും വിജയിച്ചു. 40 പേര്‍ക്ക് മുഴുവന്‍ വിഷയങ്ങള്‍ക്കും എ വണ്‍ ഗ്രേഡുണ്ട്. ആലുവ തായിക്കാട്ടുകര ഐഡിയല്‍ പബ്ലിക് സ്‌കൂള്‍ പരീക്ഷ എഴുതിയ 58 വിദ്യാര്‍ഥികളെയും വിജയിപ്പിച്ചു. ആറു പേര്‍ക്ക് എ വണ്‍ ഗ്രേഡ് ലഭിച്ചു. ആലുവ ക്രൈസ്തവ മഹിളാലയം പബ്ലിക് സ്‌കൂള്‍ നൂറു ശതമാനം വിജയം നേടി. 43 വിദ്യാര്‍ഥികളില്‍ 12 പേര്‍ക്ക് മുഴുവന്‍ വിഷയങ്ങള്‍ക്കും എ വണ്‍ ഗ്രേഡ് ലഭിച്ചു. പാനായിക്കുളം അല്‍ഹുദ സ്‌കൂളില്‍ 19 പേരില്‍ പത്തുപേര്‍ക്ക് എല്ലാ വിഷയങ്ങള്‍ക്കും എ വണ്‍ ഗ്രേഡ് ലഭിച്ചു. സൗത്ത് പറവൂര്‍ സെന്റ് ജോണ്‍സ് പബ്ലിക് സ്‌കൂളില്‍ നിന്ന് ഒമ്പത് വിദ്യാര്‍ഥികള്‍ എല്ലാ വിഷയങ്ങള്‍ക്കും എ വണ്‍ നേടി. നൂറു ശതമാനം വിജയം നേടിയ തിരുവാണിയൂര്‍ ഗ്ലോബല്‍ പബ്ലിക് സ്‌കൂളില്‍ 31 പേര്‍ക്ക് മുഴുവന്‍ വിഷയങ്ങള്‍ക്കും എ വണ്‍ ഗ്രേഡ് നേടാനായി.  ആലുവ അശോകപുരം ടാലന്റ് പബ്ലിക് സ്‌കൂളിന് നൂറു ശതമാനം വിജയമുണ്ട്, 14 പേര്‍ എ വണ്‍ ഗ്രേഡും സ്വന്തമാക്കി. കലൂര്‍ ഗ്രീറ്റ്‌സ് പബ്ലിക് സ്‌കൂളില്‍ പരീക്ഷയെഴുതിയ 50 കുട്ടികളില്‍ നിന്ന് 12 വിദ്യാര്‍ഥികള്‍ക്ക് എ വണ്‍ ലഭിച്ചു. പല്ലാരിമംഗലം അടിവാട് മാലിക്ദീനാര്‍ പബ്ലിക് സ്‌കൂളില്‍ 15 കുട്ടികള്‍ എല്ലാ വിഷയങ്ങള്‍ക്കും എ വണ്‍ നേടി. തൃപ്പൂണിത്തുറ ചോയ്‌സ് സ്‌കൂളിലെ 51 പേര്‍ എല്ലാ വിഷയങ്ങള്‍ക്കും എ വണ്‍ നേടി. ആലങ്ങാട് ജമാഅത്ത് സ്‌കൂളില്‍ പരീക്ഷയെഴുതിയ 63 പേരില്‍ 35 കുട്ടികള്‍ എല്ലാ വിഷയങ്ങള്‍ക്കും എ വണ്‍ ഗ്രേഡ് നേടി. മരട് ഗ്രിഗേറിയന്‍ പബ്ലിക് സ്‌കൂള്‍ നൂറു ശതമാനം വിജയം നേടി. 28 കുട്ടികള്‍ക്ക് എല്ലാ വിഷയങ്ങള്‍ക്കും എ വണ്‍ ലഭിച്ചു. പാനായിക്കുളം ചിറയം വിശ്വദീപ്തിയില്‍ 35 പേരാണ് പരീക്ഷയെഴുതിയത്. ഒന്‍പത് കുട്ടികള്‍ക്ക് എല്ലാ വിഷയങ്ങള്‍ക്കും എവണ്‍ ഗ്രേഡുണ്ട്.  ഇടപ്പള്ളി കാംപയിന്‍ സ്‌കൂളിന് നൂറ് ശതമാനം വിജയമുണ്ട്.  പരീക്ഷയെഴുതിയ 120 കുട്ടികളില്‍ 25 പേര്‍ക്ക് എ വണ്‍ ഗ്രേഡുണ്ട്. കാക്കനാട് അസീസി വിദ്യാനികേതന്‍ പബ്ലിക് സ്‌കൂളില്‍ പരീക്ഷയെഴുതിയ 176 വിദ്യാര്‍ഥികളില്‍ 41 പേര്‍ എല്ലാ വിഷയങ്ങള്‍ക്കും എ വണ്‍ നേടി. അല്‍ അമീന്‍ പബ്ലിക് സ്‌കൂളുകളില്‍ എല്ലായിടത്തും നൂറ് ശതമാനം വിജയം നേടി. ഇടപ്പള്ളി അല്‍ അമീന്‍ പബ്ലിക് സ്‌കൂളില്‍ 228 വിദ്യാര്‍ഥികള്‍ പരീക്ഷയെഴുതിയതില്‍ 45 വിദ്യാര്‍ഥികള്‍ എല്ലാ വിഷയങ്ങളിലും എ പ്ലസ് നേടി. എടത്തല അല്‍ അമീന്‍ ഇന്റര്‍നാഷണല്‍ പബ്ലിക് സ്‌കൂളില്‍ 55 കുട്ടികള്‍ പരീക്ഷയെഴുതിയതില്‍ 14 പേര്‍ക്ക് എ വണ്‍ ലഭിച്ചു. ശ്രീമൂലനഗരം അല്‍ അമീന്‍ പബ്ലിക് സ്‌കൂളില്‍ 64 കുട്ടികളില്‍ 16 പേര്‍ എ വണ്‍ നേടി.  കൊച്ചി ഗ്ലോബല്‍ പബ്ലിക് സ്‌കൂളില്‍ പരീക്ഷയെഴുതിയ 91 വിദ്യാര്‍ഥികളില്‍ 31 പേര്‍ എല്ലാ വിഷയത്തിനും എ വണ്‍ നേടി, നൂറു ശതമാനം വിജയവും സ്‌കൂള്‍ നേടി.  നൂറു ശതമാനം വിജയം നേടിയ പനങ്ങാട് ഹിറാ പബ്ലിക് സ്‌കൂളില്‍ പരീക്ഷ എഴുതിയ 14 വിദ്യാര്‍ഥികളില്‍ മൂന്ന് പേര്‍ക്ക് എല്ലാ വിഷയങ്ങള്‍ക്കും എ വണ്‍ ലഭിച്ചു. ഭാരതീയ വിദ്യാഭവന്‍ കൊച്ചി കേന്ദ്രയുടെ കീഴിലുള്ള എല്ലാ സ്‌കൂളുകളും നൂറ് ശതമാനം വിജയം കരസ്ഥമാക്കി. എളമക്കര ഭവന്‍സ് വിദ്യാമന്ദിറില്‍ പരീക്ഷയെഴുതിയ 193 വിദ്യാര്‍ഥികളില്‍ 60 പേര്‍ എല്ലാ വിഷയങ്ങള്‍ക്കും എ വണ്‍ നേടി. തേവക്കല്‍ വിദ്യോദയ സ്‌കൂളില്‍ 149 വിദ്യാര്‍ഥികളില്‍ 36 പേര്‍ എ വണ്‍ നേടി. തൃക്കാക്കര മേരിമാത പബ്ലിക് സ്‌കൂളില്‍  പരീക്ഷയെഴുതിയ 15 വിദ്യാര്‍ഥികള്‍ക്ക് എ വണ്‍ ഗ്രേഡുണ്ട്. ആലങ്ങാട് ഇന്‍ഫന്റ് ജീസസ് സ്‌കൂളില്‍ 108  പേര്‍ പരീക്ഷ എഴുതിയതില്‍ 37 പേര്‍ എല്ലാ വിഷയങ്ങള്‍ക്കും എ വണ്‍ ഗ്രേഡ് കരസ്ഥമാക്കി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss