|    Aug 20 Sun, 2017 9:46 am
Home   >  Kerala   >  

സിപിഎം ഹര്‍ത്താല്‍: ചിലയിടങ്ങളില്‍ അക്രമം;മാധ്യമപ്രവര്‍ത്തകരെ കൈയേറ്റം ചെയ്തു

Published : 9th June 2017 | Posted By: mi.ptk

കോഴിക്കോട്: സിപിഎം കോഴിക്കോട് ജില്ലാ കമ്മിറ്റി ഓഫീസിന് നേരെയുണ്ടായ ബോംബാക്രമണത്തില്‍ പ്രതിഷേധിച്ച് ജില്ലയില്‍ ആഹ്വാനം ചെയ്ത ഹര്‍ത്താലില്‍ അങ്ങിങ്ങ് ആക്രമണം. പാളയത്ത് നടന്ന സിപിഎം പ്രതിഷേധ പ്രകടനം പകര്‍ത്താന്‍ ശ്രമിച്ച മാധ്യമ പ്രവര്‍ത്തകരെ കൈയേറ്റം ചെയ്തു. ദി ന്യൂ ഇന്ത്യന്‍ എക്‌സ്പ്രസ് ഫോട്ടോഗ്രാഫര്‍ പി സനേഷിനെയും കേരള ഭൂഷണം ഫോട്ടോഗ്രാഫര്‍ ശ്രീജേഷിനെയുമാണ് കൈയേറ്റം ചെയ്തത്. സനേഷിന്റെ കാമറ തകര്‍ക്കുകയും ശ്രീജേഷിന്റെ കാമറയിലെ മെമ്മറികാര്‍ഡ് ഊരിയെടുക്കുകയും ചെയ്തു.
വാഹനങ്ങള്‍ തടയില്ലെന്ന് സിപിഎം ജില്ലാ കമ്മിറ്റി അറിയിച്ചിരുന്നെങ്കിലും പലയിടങ്ങളിലും ഹര്‍ത്താല്‍ അനുകൂലികള്‍ വാഹനങ്ങള്‍ തടഞ്ഞു. സ്വകാര്യ ബസുകള്‍ നിരത്തിലിറങ്ങിയില്ല. പോലീസ് സംരക്ഷണയില്‍ ചുരുക്കം ചില കെഎസ്ആര്‍ടിസി ബസുകള്‍ മാത്രമാണ് സര്‍വീസ് നടത്തിയത്.കടകകളും അടഞ്ഞുകിടക്കുകയാണ്.
വടകരയില്‍ കെഎസ്ആര്‍ടിസി ബസിന് നേരെ കല്ലേറുണ്ടായി. മൂന്ന് യാത്രക്കാര്‍ക്ക് കല്ലേറില്‍ പരിക്കേറ്റു. കോഴിക്കോട്ടെ എബിവിപി ഓഫീസിന് നേരെയും ആക്രമണമുണ്ടായി. സിപിഎം നടത്തി പ്രതിഷേധ പ്രകടനത്തിന് ശേഷമാണ് ഓഫീസിന് നേരെ ആക്രമണമുണ്ടായത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക