|    May 29 Mon, 2017 10:58 pm
FLASH NEWS

സിപിഎം പ്രവര്‍ത്തകരെ വെട്ടിപ്പരിക്കേല്‍പിച്ച സംഭവം; രണ്ട് ബിജെപിക്കാര്‍ പിടിയില്‍

Published : 21st April 2016 | Posted By: SMR

കൂത്തുപറമ്പ്: വിവാഹ വീട്ടിന് സമീപം എല്‍ഡിഎഫ് തിരഞ്ഞെടുപ്പ് പ്രചരണ ബോര്‍ഡ് സ്ഥാപിക്കുന്നതുമായി ബന്ധപ്പെട്ടുണ്ടായ സംഘര്‍ഷത്തിനിടെ സിപിഎം പ്രവര്‍ത്തകരെ വെട്ടിക്കൊലപ്പെടുത്താന്‍ ശ്രമിച്ച കേസില്‍ രണ്ടു ബിജെപിക്കാരെ അറസ്റ്റ് ചെയ്തു.
വണ്ണാത്തി മൂലയിലെ പുത്തന്‍ പുരയില്‍ സിജിന്‍(24), കോരപ്പത്തരയില്‍ സുകുമാരന്‍(45) എന്നിവരെയാണ് കൂത്തുപറമ്പ് സിഐ കെ പ്രേംസദനും സംഘവും അറസ്റ്റ് ചെയ്തത്. വണ്ണാത്തി മൂലയിലെ വയല്‍ക്കരയില്‍ പ്രതികള്‍ ഒളിവില്‍ താമസിക്കുന്നുണ്ടെന്ന വിവരത്തിന്റെ അടിസ്ഥാനത്തില്‍ പരിശോധന നടത്തുമ്പോള്‍ പ്രതികള്‍ വലിയ വെളിച്ചം കാട്ടില്‍ ഓടി രക്ഷപ്പെടുകയായിരുന്നു. സാഹസികമായാണ് പ്രതികളെ പിടികൂടിയത്.
ഇക്കഴിഞ്ഞ 17നാണ് കേസിനാസ്പദമായ സംഭവം. സാരമായി പരിക്കേറ്റ സിപിഎം പ്രവര്‍ത്തകന്‍ കുന്നുമ്മല്‍ സുരേഷ് ബാബു മംഗലാപുരത്തെ സ്വകാര്യാശുപത്രിയില്‍ ചികില്‍സയിലാണ്. പുരുഷോത്തമന്‍, വിജേഷ്, രമേശന്‍ എന്നിവര്‍ തലശ്ശേരി സഹകരണാശുപത്രിയിലും ചികില്‍സയിലാണ്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day