|    Jan 22 Sun, 2017 5:40 pm
FLASH NEWS

സിക്ക വൈറസ്: വെനിസ്വേലയില്‍ മൂന്നു മരണം

Published : 13th February 2016 | Posted By: SMR

കാരക്കസ്: വെനിസ്വേലയില്‍ ആദ്യമായി സിക്ക വൈറസ് ബാധിത മരണം സ്ഥിരീകരിച്ചു. സിക്ക വൈറസ് ബാധയുമായി ബന്ധപ്പെട്ട അസ്വസ്ഥതകള്‍ കാരണം മൂന്നു പേരാണ് മരിച്ചത്. പ്രസിഡന്റ് നിക്കോളാസ് മദ്യൂറോയാണ് ഇക്കാര്യം അറിയിച്ചത്. 68 പേരെ ആശുപത്രിയില്‍ പ്രവേശിപ്പിച്ചിരിക്കുകയാണെന്നും അദ്ദേഹം പറഞ്ഞു. കഴിഞ്ഞ നവംബര്‍ മുതല്‍ ഇവിടെ 5,000ത്തോളം പേര്‍ക്ക് വൈറസ് ബാധിച്ചതായി സ്ഥിരീകരിച്ചിരുന്നു. ബ്രസീലില്‍ നവജാതശിശുക്കള്‍ക്ക് ജനിതക വൈകല്യമുണ്ടാക്കുന്നതിന് സിക്ക വൈറസ് കാരണമായിക്കൊണ്ടിരിക്കുകയാണ്. അതേസമയം, ലാറ്റിന്‍ അമേരിക്കന്‍ രാജ്യങ്ങളില്‍ പടര്‍ന്നുപിടിച്ച സിക്ക വൈറസ് നിയന്ത്രിക്കാന്‍ പ്രതിരോധ വാക്‌സിന്‍ വികസിപ്പിക്കുന്നതിന് അന്താരാഷ്ട്ര സഖ്യം രൂപീകരിക്കണമെന്ന് ബ്രസീല്‍ ആവശ്യപ്പെട്ടു. ബ്രസീലിയന്‍ ആരോഗ്യ മന്ത്രി മാര്‍സെലോ കാസ്‌ട്രോ ആണ് ആവശ്യമുയര്‍ത്തിയത്.

Share on FacebookShare on Google+Tweet about this on TwitterShare on LinkedIn
(Visited 61 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക