|    Apr 19 Thu, 2018 11:12 pm
FLASH NEWS

സിഎംപി നേതാവിന് നേരെ മുഖം മൂടി അക്രമം

Published : 2nd April 2018 | Posted By: kasim kzm

നാദാപുരം: ബൈക്കില്‍ സഞ്ചരിക്കുകയായിരുന്ന സിഎംപി, ബിജെപി നേതാക്കള്‍ക്കെതിരെ അക്രമം. സിഎംപി സംസ്ഥാന കമ്മറ്റി അംഗം ചരപ്പറമ്പത്ത് സി പി ശ്രീജിത്തിന് നേരെയാണ് അക്രമമുണ്ടായത്. രാത്രി വീട്ടിലേക്ക് പോകുമ്പോള്‍ പെരുമുണ്ടച്ചേരി കൈരളി ബസ് സ്‌റ്റോപ്പിനടുത്ത് വച്ച് മുഖം മൂടിയണിഞ്ഞ രണ്ട് പേര്‍ ബൈക്ക് തടഞ്ഞ് ആക്രമിച്ചെന്നാണ് പരാതി. രാഷ്ട്രീയ വിരോധമാണ് അക്രമത്തിന് പിന്നിലെന്ന് ശ്രീജിത്ത് പറഞ്ഞു.
ബിജെപി ജില്ലാ കമ്മറ്റി മെമ്പര്‍ ടി കെ രാജനെയാണ് ശനിയാഴ്ച്ച രാത്രി പത്ത്  മണിയോടെ അരൂര്‍ ആശുപത്രി റോഡില്‍ വച്ച് രണ്ടംഗ സംഘം ബൈക്ക് തടഞ്ഞ് നിര്‍ത്തി കൈയ്യേറ്റം ചെയ്യാന്‍ ശ്രമിച്ചത്. അക്രമിക്കാനുള്ള ശ്രമത്തിനിടെ സമീപത്തെ വീട്ടിലേക്ക് ബൈക്ക് ഓടിച്ച് കയറ്റി രക്ഷപ്പെടുകയായിരുന്നെന്ന് രാജന്‍ പറഞ്ഞു. രണ്ട് സംഭവങ്ങളിലും നാദാപുരം പോലീസില്‍ പരാതി നല്‍കി. സഞ്ചാര സ്വാതന്ത്ര്യം പോലും ഹനിക്കുന്ന സമീപനമാണ് സിഎംപി നേതാവിനെതിരെയുണ്ടായ അക്രമമെന്ന് യുഡിഎഫ് നേതാക്കള്‍ പറഞ്ഞു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss