|    Aug 15 Wed, 2018 6:06 pm
FLASH NEWS
Home   >  Sports  >  Cricket  >  

സിംബാബ്‌വെയ്‌ക്കെതിരേ പാകിസ്താന് കൂറ്റന്‍ ജയം

Published : 13th July 2018 | Posted By: vishnu vis

ബുലാവായോ: സിംബാബ്‌വെയ്‌ക്കെതിരായ ഒന്നാം ഏകദിനത്തില്‍ പാകിസ്താന് കൂറ്റന്‍ ജയം. 201 റണ്‍സിനാണ് പാക് പട വിജയം സ്വന്തമാക്കിയത്. ആദ്യം ബാറ്റ് ചെയ്ത പാകിസ്താന്‍ 50 ഓവറില്‍ ഏഴ് വിക്കറ്റ് നഷ്ടത്തില്‍ 308 റണ്‍സ് അടിച്ചെടുത്തപ്പോള്‍ മറുപടിക്കിറങ്ങിയ സിംബാബ്‌വെയുടെ പോരാട്ടം 35 ഓവറില്‍ 107 റണ്‍സില്‍ അവസാനിക്കുകയായിരുന്നു. നാല് വിക്കറ്റ് വീഴ്ത്തിയ ഷദാബ് ഖാന്റെ ബൗളിങ് പ്രകടനമാണ് സിംബാബ്‌വെയെ തകര്‍ത്തത്. ഉസ്മാന്‍ ഖാന്‍, ഫഹീം അഷറഫ് എന്നിവര്‍ രണ്ട് വിക്കറ്റ് വീതവും പങ്കിട്ടു. റ്യാന്‍ മുറെ (32), ചിബാബ (20), മുസകണ്ട (21), ട്രിപ്പാനോ എന്നിവര്‍ക്ക് മാത്രമാണ് സിംബാബ്‌വെ നിരയില്‍ രണ്ടക്കം കാണാനായത്. നേരത്തെ സെഞ്ച്വറി നേടിയ ഉമാം ഉല്‍ ഹഖിന്റെ (128) സെഞ്ച്വറിയാണ് പാകിസ്താനെ ഭേദപ്പെട്ട സ്‌കോറിലേക്കെത്തിച്ചത്. ഫഖര്‍ സമാന്‍ (60) , ആസിഫ് അലി (46) എന്നിവരും പാക് നിരയില്‍ തിളങ്ങി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss