|    May 24 Thu, 2018 1:48 pm
FLASH NEWS

സാമ്പത്തിക നയങ്ങളെ കടന്നാക്രമിച്ച് മന്‍മോഹന്‍സിങ്ങ്

Published : 7th May 2018 | Posted By: G.A.G

ബംഗളുരു : മോഡി സര്‍ക്കാരിന്റെ സാമ്പത്തിക പരിഷ്‌കാരങ്ങളെ കടന്നാക്രമിച്ച് മുന്‍ പ്രധാനമന്ത്രി മന്‍മോഹന്‍ സിങ്. സാമ്പത്തിക ദുര്‍ഭരണം ബാങ്കിങ് മേഖലയോട് പൊതുജനത്തിനുള്ള വിശ്വാസം നഷ്ടമാക്കിക്കൊണ്ടിരിക്കുകയാണെന്നും മനസ്സില്‍ തോന്നുന്ന വിചിത്രഭാവനകള്‍ അനുസരിച്ചല്ല നയങ്ങള്‍ രൂപീകരിക്കേണ്ടതെന്നും സിങ് വാര്‍ത്താസമ്മേളനത്തില്‍ പറഞ്ഞു.
രാജ്യം കടുത്ത പ്രതിസന്ധിയിലൂടെയാണ് കടന്നു പോകുന്നത്. കര്‍ഷകര്‍ കടുത്ത പ്രയാസത്തിലാണ്. യുവാക്കള്‍ക്ക് അവസരങ്ങള്‍ കണ്ടെത്താനാകുന്നില്ല. സമ്പദ് വ്യവസ്ഥ അതിന്റെ യഥാര്‍ഥ ശേഷിയിലും താഴെയാണ് വളരുന്നത്. ഈ പ്രതിസന്ധികളോരോന്നും പൂര്‍ണമായി ഒഴിവാക്കാന്‍ സാധിക്കുന്നതായിരുന്നു എന്നതാണ് ദൗര്‍ഭാഗ്യകരമായ സത്യം.  മനസ്സില്‍ തോന്നുന്ന വിചിത്രഭാവനകള്‍ അനുസരിച്ചല്ല നയങ്ങള്‍ രൂപീകരിക്കേണ്ടത്. നോട്ട് അസാധുവാക്കലും തിരക്കിട്ട് ജിഎസ്ടി നടപ്പാക്കിയതുമാണ് മോഡി സര്‍ക്കാരിന്റെ ഒഴിവാക്കാമായിരുന്ന പ്രധാന മണ്ടത്തരങ്ങളെന്നും അദ്ദേഹം പറഞ്ഞു. ഇന്ത്യന്‍ സമ്പദ് വ്യവസ്ഥയെ ബിജെപി സര്‍ക്കാര്‍ നശിപ്പിക്കുകയാണ്. വര്‍ഷങ്ങളെടുത്താണ് ഇന്ത്യയെ ലോകത്തിലെ മൂന്നാമത്തെ വലിയ സാമ്പത്തിക ശക്തിയായി മാറ്റിയെടുത്തത്. അതിപ്പോള്‍ ഘട്ടംഘട്ടമായി നശിപ്പിച്ചു കൊണ്ടിരിക്കുകയാണെന്നും സിങ് ചൂണ്ടിക്കാട്ടി.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss