|    Oct 15 Mon, 2018 9:25 pm
FLASH NEWS

സാമൂഹികവിരുദ്ധ ശല്യം; ബീച്ചില്‍ സിസിടിവി കാമറ സ്ഥാപിക്കണം

Published : 23rd February 2018 | Posted By: kasim kzm

കോഴിക്കോട്: വലിയങ്ങാടി ചുങ്കം ജംഗ്ഷന്‍ മുതല്‍ മുഹമ്മദലി കടപ്പുറം വരെയുള്ള ബീച്ച്ഏരിയയില്‍ സാമൂഹിക വിരുദ്ധ ശല്യം വര്‍ധിച്ച് വരികയാണെന്നും ഇവിടെ സിസിടിവി കാമറ സ്ഥാപിക്കണമെന്നും പ്രദേശത്തുകാരുടെ വാട്ട്‌സ് അപ് കൂട്ടായ്മ ‘തെക്കെപ്പുറം ശബ്ദംആവശ്യപ്പെട്ടു.
കഴിഞ്ഞ ദിവസം പ്രദേശത്തുകാരനായ ഒരാള്‍ ഇവിടെ തലക്കടിയേറ്റ് മരിച്ചിരുന്നു. ഈ പ്രദേശത്ത് മദ്യ മയക്കുമരുന്ന് വില്‍പനയും ഉപഭോഗവും ഉണ്ട്. ഇവിടെ പ്രാവുവളര്‍ത്തല്‍ കേന്ദ്രങ്ങളുടെ മറവില്‍ മദ്യസേവയും കടലിലേക്ക് മാംസ മാലിന്യങ്ങള്‍ വലിച്ചെറിയലും പതിവാണ്. ഇക്കൂട്ടരെ കണ്ടെത്തി നിയമത്തിന് മുന്നില്‍ കൊണ്ടുവരാന്‍ ഇവിടങ്ങളില്‍ സിസിടിവി കാമറ സ്ഥാപിക്കാന്‍ അധികാരികള്‍ തയ്യാറാവണം.
പ്രദേശത്തെ കച്ചവടസ്ഥാപനങ്ങളിലും മറ്റും പോലീസ് അനുമതിയോടെ കാമറകള്‍ വെക്കാന്‍ നിര്‍ദ്ദേശം നല്‍കണം. ഈ ഭാഗത്തുള്ള അനധികൃത ഷെഡുകളും കൈയ്യേറ്റങ്ങളും ഒഴിപ്പിക്കണമെന്നും വാട്ട്‌സ് ആപ് കൂട്ടായ്മ ആവശ്യപ്പെട്ടു.
ഇതേ തുടര്‍ന്ന് പ്രദേശം സുരക്ഷിതമാക്കാന്‍ വേണ്ട കൂടുതല്‍ പ്രവര്‍ത്തനങ്ങളെ കുറിച്ച് ആലോചിക്കുന്നതിന് പ്രദേശത്തെ രാഷ്ട്രീയ സാംസ്‌കാരിക സംഘടനകള്‍, സ്‌കൂള്‍, കോളജ് പിടിഎ കമ്മറ്റികള്‍, റസിഡന്‍സ് അസോസിയേഷനുകള്‍ എന്നിവ തെക്കെപ്പുറം ശബ്ദം, വേ ടു ഫലാഹ് എന്നീ വാട്ട്‌സ് അപ് കൂട്ടായ്മകളുടെ ബാനറില്‍ ഒരുമിക്കുന്നുണ്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss