|    Nov 19 Mon, 2018 5:15 pm
FLASH NEWS

സാധ്യതാ പഠനം സമ്മര്‍ദ ഫലമെന്ന്: കാരുണ്യനഗര്‍ ഭവനസംരക്ഷണ സമിതി പ്രക്ഷോഭം തുടങ്ങും

Published : 22nd April 2018 | Posted By: kasim kzm

തേഞ്ഞിപ്പലം: ഇടിമൂഴിക്കല്‍ ദേശിയ പാത വികസനത്തിനായി ഇന്നലെ നടത്തിയ സാധ്യതാ പഠനത്തിന്റെ അടിസ്ഥാനത്തില്‍ നടത്തിയ സര്‍വേ പ്രകാരം ദേശീയ പാത വികസനം നടപ്പാക്കുന്ന ഘട്ടം വന്നാല്‍  ഈ പ്രദേശത്തുള്ളവര്‍  പ്രക്ഷോഭം തുടങ്ങുമെന്ന് കാരുണ്യനഗര്‍ ഭവന സംരക്ഷണ സമിതി ഭാരവാഹികളായ കണ്‍വീനര്‍ എം എന്‍ രജിത് കുമാര്‍, ചെയര്‍മാന്‍ എം പുരുഷോത്തമന്‍ അറിയിച്ചു. ഈ പ്രദേശത്തുകൂടി എന്‍ എച്ച് വികസനം വന്നാല്‍ നിരവധി കുടുംബങ്ങള്‍ വഴിയാധാരമാകും.
എന്നാല്‍ കഴിഞ്ഞ ദിവസം സര്‍വേ നടപടികള്‍ പൂര്‍ത്തീകരിച്ച പ്രദേശം ഒഴിവാക്കാന്‍ ആ പ്രദേശത്തുള്ളവരുടെ സമ്മര്‍ദത്തിന് വഴങ്ങിയാണ് പുതിയ സാധ്യതാ പഠനം ഇന്നലെ നടത്തിയത്. കാരുണ്യ നഗറിലും പരിസരത്തുമായ് വസിക്കുന്ന നിരവധി കുടുംബങ്ങള്‍ കടുത്ത പ്രതിസന്ധിയിലാണ്. കഴിഞ്ഞ ദിവസം സര്‍വെ നടപടികള്‍ പൂര്‍ത്തീകരിച്ച ഭാഗത്തു കൂടി ദേശീയ പാത വികസനം നടപ്പാക്കണം. നിലവിലുള്ള അലൈമെന്റ് വന്ന പ്രദേശത്തുള്ളവരുടെ പണക്കൊഴുപ്പും രാഷ്ട്രീയ സ്വാധീനവും ഉപയോഗിച്ചാണ് ബദല്‍ അലൈമെന്റ് സാധ്യതാ പഠന സര്‍വെ നടത്തുന്നതെന്നും ഭാരവാഹികള്‍ വ്യക്തമാക്കി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss