|    May 27 Sat, 2017 7:26 pm
FLASH NEWS

സാക്ഷികളെ സ്വാധീനിക്കാന്‍ ശ്രമിച്ചെന്ന കേസ്: തസ്‌ലീമിന്റെ ജാമ്യാപേക്ഷ തള്ളി

Published : 23rd February 2016 | Posted By: swapna en

കൊച്ചി: ബാംഗ്‌ളൂര്‍ സ്‌ഫോടനക്കേസിലെ പ്രതി തടിയന്റവിട നസീറിന്റെ ഇ-മെയില്‍ സന്ദേശങ്ങളും എഴുത്തുകളും കൈമാറി സാക്ഷികളെ സ്വാധീനിക്കാന്‍ ശ്രമിച്ചെന്ന കേസിലെ  മൂന്നാം പ്രതി കണ്ണൂര്‍ ആസാദ് റോഡ് കുനികണ്ടി വീട്ടില്‍ കെ കെ തസ്‌ലീം (37) സമര്‍പ്പിച്ച ജാമ്യാപേക്ഷ എറണാകുളം പ്രിന്‍സിപ്പല്‍ സെഷന്‍സ് കോടതി തള്ളി. കേസിലെ രണ്ടാം പ്രതി ഷഹനാസും മൂന്നാം പ്രതി തസ്‌ലീമും ചേര്‍ന്ന് രാജ്യദ്രോഹക്കുറ്റകൃത്യങ്ങള്‍ക്കായി ഇ-മെയിലിലൂടെയുള്ള സന്ദേശങ്ങളും മൊബൈല്‍ഫോണ്‍, സിംകാര്‍ഡ് എന്നിവയിലുള്ള രഹസ്യവിവരങ്ങളും വിവിധ സ്ഥലങ്ങളില്‍ എത്തിച്ച് സാക്ഷികളെ ഭീഷണിപ്പെടുത്തുകയും മൊഴി മാറ്റി പറയേണ്ട കാര്യങ്ങള്‍ വിശദീകരിക്കുകയും ചെയ്തുവെന്നാണ് പോലിസ് പറയുന്നത്. തീവ്രവാദം തടയുന്നതിനായുള്ള ശ്രമങ്ങളെ നിസ്സാരമായി കാണാനാവില്ലെന്നും ആഭ്യന്തര സുരക്ഷയെ ബാധിക്കുന്നതിനാലും പ്രതികള്‍ തീവ്രവാദ സംഘടനയെ സഹായിച്ചുവെന്നതിന് കുടുതല്‍ അന്വേഷണം ആവശ്യമുണ്ടെന്നതിനാലും ജാമ്യം നല്‍കാനാവില്ലെന്ന് പ്രിന്‍സിപ്പല്‍ സെഷന്‍സ് ജഡ്ജി  എന്‍ നാരായണ പിഷാരടി വിധിയില്‍ പറഞ്ഞു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day