|    Jul 25 Tue, 2017 4:07 am
FLASH NEWS
Home   >  Todays Paper  >  page 7  >  

സാംഗ്മയ്ക്ക് ആദരാഞ്ജലി അര്‍പ്പിക്കാന്‍ രാജ്യസഭ പിരിഞ്ഞു

Published : 5th March 2016 | Posted By: SMR

ന്യൂഡല്‍ഹി: അന്തരിച്ച മുന്‍ ലോക്‌സഭാ സ്പീക്കര്‍ പി എ സാംഗ്മയുടെ ബഹുമാനാര്‍ഥം രാജ്യസഭാ നടപടികള്‍ നിര്‍ത്തിവച്ചു. പതിവിനു വിപരീതമായാണ് ഒരു മുന്‍ അംഗത്തിന്റെ വിയോഗത്തില്‍ സഭ പിരിയുന്നത്. നിലവിലുള്ള അംഗം മരിച്ചാല്‍ മാത്രമേ രാജ്യസഭ നിര്‍ത്തിവയ്ക്കാറുള്ളൂ. ഭരണ-പ്രതിപക്ഷ കക്ഷിനേതാക്കളുടെ അഭ്യര്‍ഥന മാനിച്ചാണു രാജ്യസഭാ ചെയര്‍മാന്‍ ഹാമിദ് അന്‍സാരി ചോദ്യോത്തരവേളയ്ക്കു ശേഷം സഭ ഇന്നേക്കു പിരിയുന്നതായി പ്രഖ്യാപിച്ചത്. പാര്‍ലമെന്ററികാര്യ മന്ത്രി മുഖ്താര്‍ അബ്ബാസ് നഖ്‌വി, മന്ത്രി അരുണ്‍ ജെയ്റ്റ്‌ലി, പ്രതിപക്ഷ നേതാവ് ഗുലാംനബി ആസാദ്, സിപിഎം നേതാവ് സീതാറാം യെച്ചൂരി എന്നിവര്‍ സാംഗ്മയുടെ മൃതദേഹം മേഘാലയയിലേക്കു കൊണ്ടുപോവുന്നതിനു മുമ്പ് അന്ത്യാഭിവാദ്യമര്‍പ്പിക്കാന്‍ അംഗങ്ങള്‍ക്ക് അവസരം നല്‍കാന്‍ സഭ നിര്‍ത്തിവയ്ക്കണമെന്ന് ആവശ്യപ്പെട്ടിരുന്നു.

 

 

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക