|    Aug 15 Wed, 2018 4:16 pm
FLASH NEWS

സഹകരണ വായ്പാ മേഖലയിലെ ത്രിതല സംവിധാനം നിലനിര്‍ത്തണം: കെസിഇഎഫ്

Published : 14th May 2018 | Posted By: kasim kzm

കണ്ണൂര്‍: മാതൃകാ പ്രവര്‍ത്തനം നടത്തുന്ന വായ്‌പേതര സഹകരണ സംഘങ്ങളെ കേരള ബാങ്ക് രൂപീകരണത്തിന്റെ മറവില്‍ മാറ്റിനിര്‍ത്താനുള്ള നീക്കത്തില്‍നിന്ന് സര്‍ക്കാര്‍ പിന്മാറണമെന്ന് കണ്ണൂരില്‍ സമാപിച്ച കേരള കോ-ഓപറേറ്റീവ് എംപ്ലോയീസ് ഫ്രണ്ട് സംസ്ഥാന സമ്മേളനം ആവശ്യപ്പെട്ടു. സഹകരണ വായ്പ മേഖലയിലെ ത്രിതല സംവിധാനം നിലനിര്‍ത്തി പ്രാഥമിക സഹകരണ സംഘങ്ങളെ ഒന്നായിക്കണ്ട് മുന്നോട്ടുപോവണം.
സഹകരണ ജീവനക്കാരുടെ പെന്‍ഷന്‍ പ്രായം 60 വയസ്സായി ഉയര്‍ത്തണമെന്നും സമ്മേളനം ആവശ്യപ്പെട്ടു. പ്രതിനിധി സമ്മേളനം ഡിസിസി പ്രസിഡന്റ് സതീശന്‍ പാച്ചേനി ഉദ്ഘാടനം ചെയ്തു. സഹകരണ ജനാധിപത്യ വേദി ചെയര്‍മാന്‍ കരകുളം കൃഷ്ണപിള്ള മുഖ്യ പ്രഭാഷണം നടത്തി. കെ സുരേന്ദ്രന്‍, ചന്ദ്രന്‍ തില്ലങ്കേരി, ജെയ്‌സന്‍ തോമസ്, വി പി കെ വിനയകുമാര്‍, സുഭാഷ് കുമാര്‍, കെ സി രാജീവന്‍ സംസാരിച്ചു. മുന്‍കാല നേതൃസംഗമം യുഡിഎഫ് ജില്ലാ ചെയര്‍മാന്‍ പ്രഫ. എ ഡി മുസ്തഫ ഉദ്ഘാടനം ചെയ്തു. കെസിഇഎഫ് സംസ്ഥാന വൈസ് പ്രസിഡന്റ് ജേക്കബ് പോള്‍ അധ്യക്ഷത വഹിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss