|    Jul 22 Sun, 2018 10:14 pm
FLASH NEWS

സഹകരണ നിക്ഷേപ സമാഹരണം: ജില്ലയില്‍ സമാഹരിച്ചത് 302 കോടി

Published : 6th April 2018 | Posted By: kasim kzm

വിദ്യാനഗര്‍: സഹകരണ നിക്ഷേപം നവകേരള നിര്‍മിതിക്ക് എന്ന മുദ്രാവാക്യവുമായി ജനസമ്പര്‍ക്ക പരിപാടികളിലൂടെ ജില്ലയില്‍ സഹകരണ സംഘങ്ങള്‍ സമാഹരിച്ചത് 302 കോടി രൂപ. കഴിഞ്ഞ ജനുവരി 10ന് തുടങ്ങിയ സമാഹരണ യഞ്ജം മാര്‍ച്ച് 31ന് അവസാനിച്ചു.
ഹൊസ്ദുര്‍ഗ് താലൂക്കില്‍ പനയാല്‍ സഹകരണ ബാങ്കാണ് ഏറ്റവും കൂടുതല്‍ തുക സമാഹരിച്ചത്. 11.79 കോടി രൂപയാണ് പനയാല്‍ ബാങ്ക് സമാഹരിച്ചത്.
7.49 കോടി സമാഹരിച്ച തൃക്കരിപ്പൂര്‍ ഫാര്‍മേഴ്‌സ് സഹകരണ ബാങ്കാണ് തൊട്ടു പിന്നില്‍. കാസര്‍കോട് താലൂക്കില്‍ കാസര്‍കോട് സഹകരണ ബാങ്ക് ഒമ്പത് കോടി സമാഹരിച്ച് ഒന്നാമതെത്തി. 8.25 കോടി സമാഹരിച്ച കാസര്‍കോട് പബ്ലിക്ക് സര്‍വന്റസ് സഹകരണ സംഘമാണ് തൊട്ടു പിന്നില്‍.
ജില്ലയില്‍ 175 കോടി സമാഹരിക്കാനാണ് നിര്‍ദ്ദേശിച്ചിരുന്നതെങ്കിലും 231 കോടി സമാഹരിക്കുന്നതിന് സഹകരണ സംഘം  ജോയിന്റ് രജിസ്ട്രാര്‍ പി റഹീം അധ്യക്ഷനായുള്ള ജില്ലാതല കമ്മിറ്റി തീരുമാനിച്ചിരുന്നു.
ഇതിനാവശ്യമായ ക്രമീകരണവും പ്രചാരണവും നടത്തി. സഹകരണ സംഘങ്ങളുടെ നേതൃത്വത്തില്‍ വിവിധ കേന്ദ്രങ്ങളില്‍ ജന പങ്കാളിത്തതോടെ ആഘോഷമായാണ് ഇക്കുറി നിക്ഷേപസമാഹരണ പ്രവര്‍ത്തനങ്ങള്‍ക്ക് തുടക്കമിട്ടത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss