|    Nov 21 Wed, 2018 7:07 am
FLASH NEWS

സഹകരണ കോളജിലെ സംഘര്‍ഷം: അറുപതോളം പേര്‍ക്കെതിരേ കേസ്

Published : 19th July 2018 | Posted By: kasim kzm

വടകര:കുരിക്കിലാട് സഹകരണ കോളജിലെ വിദ്യാര്‍ഥി സംഘര്‍ഷവുമായി ബന്ധപ്പെട്ട് എസ്എഫ്‌ഐ, ഏബിവിപി പ്രവര്‍ത്തകരായ അറുപതോളം പേര്‍ക്കെതിരെ വടകര പോലിസ് കേസ്സെടുത്തു. എബിവിപി പ്രവര്‍ത്തകനായ വിഷ്ണു എസ് രാജീവിനെ അടിച്ചു പരിക്കേല്‍പ്പിച്ച പരാതിയില്‍ ആറു എസ്എഫ്‌ഐഡിവൈഎഫ്‌ഐ നേതാക്കള്‍ ഉള്‍പ്പടെ 21 പേര്‍ക്കെതിരെയും എസ്എഫ്‌ഐ പ്രവര്‍ത്തകനായ അമൃത് ലാലിനെ അക്രമിച്ച പരാതിയില്‍ കണ്ടാലറിയാവുന്ന 25 ഓളം പേര്‍ക്കെതിരെയുമാണ് കേസ്സെടുത്തത്.
പരുക്കേറ്റവരെ വടകര ജില്ലാ ആശുപത്രിയില്‍ എത്തിച്ച വിവരം അറിഞ്ഞെത്തിയ ആര്‍എസ്എസ് കാര്യവാഹ് സുജിത്തിനെ ആശുപത്രിക്കുള്ളില്‍വച്ച് അടിച്ചു പരുക്കേല്‍പ്പിച്ചെന്ന പരാതിയില്‍ ഡിവൈഎഫ്‌ഐഎസ്എഫ്‌ഐ പ്രവര്‍ത്തകരായ 11 ഓളം പേര്‍ക്കെതിരെയും എസ്എഫ്‌ഐ ഏരിയാ സെക്രട്ടറി അഖിലിനെ ആക്രമിച്ച പരാതിയില്‍ 2 പേര്‍ക്കെതിരെയുമാണ് കേസ്സെടുത്തത്. ചൊവ്വാഴ്ച ഉച്ചയോടെയാണ് കോളജില്‍ സംഘര്‍ഷം ഉണ്ടായത്. ഇതേ തുടര്‍ന്ന് രണ്ടു ദിവസത്തേക്ക് കോളജ് അടച്ചിട്ടിരിക്കുകയാണ്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss