|    Apr 26 Thu, 2018 12:10 am
FLASH NEWS

സര്‍വീസ് നടത്താതെ ലോ ഫ്‌ളോര്‍ ബസ് വിശ്രമത്തില്‍; കെഎസ്ആര്‍ടിസിക്ക് ലക്ഷങ്ങളുടെ നഷ്ടം

Published : 20th February 2016 | Posted By: SMR

തൊടുപുഴ: മൂലമറ്റം കെഎസ്ആര്‍ടിസി ഡിപ്പോയ്ക്ക് ഒരു മാസം മുന്‍പ് അനുവദിച്ച ജന്റം ലോ ഫ്‌ളോര്‍ ബസ് ഇപ്പോഴും ഡിപ്പോയുടെ ഒരു കോണില്‍ പൊടിപിടിച്ച് നശിക്കുന്നു. കഴിഞ്ഞ ഒരു മാസമായി ഈ ബസ് സര്‍വീസ് നടത്തിയിട്ടില്ല. ശബരിമല സീസണ്‍ കഴിഞ്ഞ് ജനുവരി 16നു മൂലമറ്റത്തേക്ക് അനുവദിച്ചതാണ് ഈ ജന്റം ബസ്.
ആദ്യ ദിവസങ്ങളില്‍ ബസിന്റെ ഡിസ്‌പ്ലേ ബോര്‍ഡ് (ഡെസ്റ്റിനേഷന്‍ ബോര്‍ഡ്) പ്രവര്‍ത്തനക്ഷമമല്ലെന്നും അത് ശരിയാക്കുന്നനായി പത്തനംതിട്ടയില്‍ നിന്നും ടെക്‌നീഷന്‍ വരണമെന്നുമായിരുന്നു മൂലമറ്റം യൂനിറ്റ് ഓഫിസില്‍ നിന്നും അറിയിച്ചത്.
എന്നാല്‍ ഈ ബസ്സിനൊപ്പം തൊടുപുഴ ഡിപ്പോക്ക് അനുവദിച്ച രണ്ട് ജന്റം ബസ്സുകള്‍ ആഴ്ചകള്‍ക്ക് മുന്‍പേ ഓടാന്‍ തുടങ്ങിയിട്ടും മൂലമറ്റത്തിന്റെ ബസ് മാത്രം അനങ്ങിയില്ല. തൊടുപുഴയിലെ ബസ്സുകള്‍ക്കൊപ്പം ഡിസ്‌പ്ലേ ബോര്‍ഡ് ശരിയാക്കിയിട്ടും ഓടാത്തത് എന്താണ് എന്ന ചോദ്യത്തിന് മൂലമറ്റത്തെ ഓഫിസറുടെ മറുപടി ഇതുവരെ ഈ ബസിന്റെ പെര്‍മിറ്റ് ശരിയായിട്ടില്ല എന്നായിരുന്നു.
നോട്ടിഫൈഡ് റൂട്ടുകളില്‍ കെഎസ്ആര്‍ടിസിക്ക് എപ്പോള്‍ വേണമെങ്കിലും ബസ്സുകള്‍ ഓടിക്കാമെന്നിരിക്കെ അതിന് തയ്യാറാകാത്ത യൂനിറ്റ് ഓഫിസറുടെ നടപടി ആക്ഷേപത്തിനിടയായിരിക്കുകയാണ്. സ്വകാര്യ ബസ് മുതലാളിമാരുടെ സമ്മര്‍ദത്തിന്റെ ഫലമായാണു ലക്ഷങ്ങള്‍ വിലയുള്ള ഈ ബസ് ഇപ്പോഴും ഡിപ്പോയില്‍ തന്നെ വിശ്രമിക്കുന്നത് എന്നും ആരോപണമുണ്ട്.
എറണാകുളം, കോട്ടയം, തൃശ്ശൂര്‍ എന്നിവിടങ്ങളിലേയ്ക്ക് സ്‌പെഷല്‍ സര്‍വീസ് നടത്തിയാല്‍ 15000 രൂപാ പ്രതിദിനം കലക്ഷന്‍ ലഭിക്കുന്നതാണ്. ഈ ഇനത്തില്‍ കഴിഞ്ഞ ഒരു മാസം കൊണ്ട് നാലരലക്ഷം രൂപയാണ് ഈ ബസിന് ലഭിക്കേണ്ടിയിരുന്നത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss