|    Oct 20 Sat, 2018 12:10 pm
FLASH NEWS

സര്‍വകലാശാലയെ ഹരിത കാംപസാക്കും: വിസി

Published : 27th February 2018 | Posted By: kasim kzm

തേഞ്ഞിപ്പലം: കാലിക്കറ്റ് സര്‍വകലാശാലയ്ക്കുകീഴിലെ 432 കോളജുകളില്‍ ഗ്രീന്‍ കാംപസ്, ക്ലീന്‍ കാംപസ് പദ്ധതി ഊര്‍ജിതമാക്കി വരികയാണെന്ന് വൈസ് ചാന്‍സലര്‍ ഡോ.കെ മുഹമ്മദ് ബഷീര്‍ പറഞ്ഞു. പരിസ്ഥിതി മാറ്റവും കാര്‍ബണിക ഗവേഷണവും നൂതന പ്രവണതകള്‍ എന്ന വിഷയത്തില്‍ ത്രിദിന ദേശീയ സെമിനാര്‍ സര്‍വകലാശാല ബോട്ടണി പഠന വകുപ്പില്‍ ഉദ്ഘാടനം ചെയ്യുകയായിരുന്നു അദ്ദേഹം.
ഹരിതവല്‍കൃത കാംപസായി സര്‍വകലാശാലയെയും കോളജുകളെയും അടുത്ത പരിസ്ഥിതി ദിനമായ ജൂണ്‍ 5ന് പ്രഖ്യാപിക്കാന്‍ കഴിയുന്ന രീതിയിലാണ് പ്രവര്‍ത്തനങ്ങള്‍ പുരോഗമിക്കുന്നത്.
കാംപസിലെ 35 പഠന വകുപ്പുകളും വിവിധ ഡയറക്ടറേറ്റുകളും ചേര്‍ന്ന് വ്യത്യസ്ത വിഷയങ്ങളില്‍ നാല്‍പ്പതിലേറെ ദേശീയ, അന്തര്‍ ദേശീയ സെമിനാറുകള്‍ സുവര്‍ണ ജൂബിലിയുടെ ഭാഗമായി സംഘടിപ്പിച്ച് വരികയാണെന്നും വിസി പറഞ്ഞു. പ്രോ വൈസ് ചാന്‍സലര്‍ ഡോ.പി മോഹന്‍ അധ്യക്ഷത വഹിച്ചു. പരിസ്ഥിതി മാറ്റ വിദ്യാഭ്യാസ ഗവേഷണ അക്കാദമിയുടെ മുന്‍ ഡയറക്ടര്‍ പ്രഫ. പ്രസാദറാവു, അന്തര്‍ സര്‍വകലാശാല പ്ലാന്റ്ബയോടെക്‌നോളജി ഡയറക്ടര്‍ പ്രഫ. കെ വി മോഹന്‍, പ്രഫ. സന്തോഷ് നമ്പി, ഡോ. സി സി ഹരിലാല്‍ തുടങ്ങിയവര്‍ പങ്കെടുത്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss