|    Sep 23 Sun, 2018 10:49 pm
FLASH NEWS
Home   >  Todays Paper  >  Page 5  >  

സര്‍ട്ടിഫിക്കറ്റ് സാക്ഷ്യപ്പെടുത്തല്‍ : എറണാകുളത്തും കോഴിക്കോട്ടും സൗകര്യം ഒരുക്കും

Published : 10th May 2017 | Posted By: fsq

 

തിരുവനന്തപുരം: ജനന, വിവാഹ സര്‍ട്ടിഫിക്കറ്റുകള്‍ ഉള്‍പ്പെടെ അക്കാദമികേതര സര്‍ട്ടിഫിക്കറ്റുകള്‍ സാക്ഷ്യപ്പെടുത്താന്‍ നോര്‍ക്കാ റൂട്ട്‌സിന് കീഴിലുള്ള എറണാകുളം, കോഴിക്കോട് സര്‍ട്ടിഫിക്കറ്റ് ഓതന്റിഫിക്കേഷന്‍ സെന്ററുകളില്‍ സൗകര്യമൊരുക്കുമെന്ന് മുഖ്യമന്ത്രി പിണറായി വിജയന്‍. നിയമസഭയില്‍ ടി വി ഇബ്രാഹിമിന്റെ സബ്മിഷന് മറുപടി പറയുകയായിരുന്നു അദ്ദേഹം. നിലവില്‍ അക്കാദമികേതര സര്‍ട്ടിഫിക്കറ്റുകള്‍ സാക്ഷ്യപ്പെടുത്തുന്നത് ആഭ്യന്തരവകുപ്പിന്റെ കീഴിലുള്ള ഹോം അറ്റസ്‌റ്റേഷന്‍ ഓഫിസര്‍മാരാണ്. ഇത്തരം സര്‍ട്ടിഫിക്കറ്റുകള്‍ സാക്ഷ്യപ്പെടുത്താന്‍ കേരളത്തിലെമ്പാടുമുള്ള അപേക്ഷകര്‍ തിരുവനന്തപുരത്ത് സെക്രട്ടേറിയറ്റില്‍ എത്തിച്ചേരേണ്ട അവസ്ഥയാണുള്ളത്. ഇത് പലപ്പോഴും ജനങ്ങള്‍ക്ക് പ്രയാസം ഉണ്ടാക്കുന്നതായും മുഖ്യമന്ത്രി പറഞ്ഞു. അക്കാദമികേതര സര്‍ട്ടിഫിക്കറ്റുകള്‍ അറ്റസ്റ്റ് ചെയ്യുന്നതിന് സെക്രട്ടേറിയറ്റിലെ നിലവിലുള്ള ഹോം അറ്റസ്‌റ്റേഷന്‍ വകുപ്പിലെ സംവിധാനം നിലനിര്‍ത്തിക്കൊണ്ടു നോര്‍ക്കാ റൂട്ട്‌സിന് കീഴിലുള്ള എറണാകുളം, കോഴിക്കോട് സര്‍ട്ടിഫിക്കറ്റ് ഓതന്റിഫിക്കേഷന്‍ സെന്ററുകളിലെ ഹോം അറ്റസ്‌റ്റേഷന്‍ ഓഫിസര്‍മാരുടെ സേവനം പ്രയോജനപ്പെടുത്താനാണ് ഉദ്ദേശിക്കുന്നത്. ഇതുവഴി അപേക്ഷകര്‍ക്ക് ഉണ്ടാവുന്ന അധിക ചെലവവും സമയനഷ്ടവും ബുദ്ധിമുട്ടും ഒഴിവാക്കാനാവുമെന്നും മുഖ്യമന്ത്രി പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss