|    Oct 21 Sat, 2017 4:01 pm
FLASH NEWS
Home   >  Kerala   >  

സര്‍ക്കാര്‍ ജീവനക്കാരും അധ്യാപകരും പണിമുടക്കാരംഭിച്ചു

Published : 12th January 2016 | Posted By: G.A.G

തിരുവനന്തപുരം: ശമ്പള പരിഷ്‌കരണം ഉടന്‍ നടപ്പാക്കണമെന്നാവശ്യപ്പെട്ട് സര്‍ക്കാര്‍ ജീവനക്കാരും അധ്യാപകരും പണിമുടക്കാരംഭിച്ചു. പലഓഫിസുകളുടെയും പ്രവര്‍ത്തനത്തെ സമരം ബാധിച്ചതായാണ് റിപോര്‍ട്ടുകള്‍. സെക്രട്ടേറിയറ്റില്‍ 35 ശതമാനം മാത്രമാണ് ഹാജര്‍ നില രേഖപ്പെടുത്തിയത്്. അതേസമയം, പണിമുടക്ക് അനവസരത്തിലായതിനാല്‍ വിട്ടുനില്‍ക്കുമെന്നാണ്് ഒരുവിഭാഗം ജീവനക്കാര്‍ അറിയിച്ചിട്ടുള്ളത്. സമരത്തെ നേരിടാന്‍ ഡയസ്‌നോണ്‍ ബാധകമാക്കി സര്‍ക്കാര്‍ ഉത്തരവിറക്കിയിരുന്നു.
രണ്ടു വര്‍ഷമായി ഉന്നയിക്കുന്ന ആവശ്യങ്ങളോട് സംസ്ഥാന സര്‍ക്കാര്‍ അവഗണന തുടരുകയാണെന്നാരോപിച്ചാണ് സര്‍ക്കാര്‍ ജീവനക്കാരില്‍ ഒരു വിഭാഗം പണിമുടക്കുന്നത്. ശമ്പള പരിഷ്‌കരണം അടിയന്തരമായി നടപ്പാക്കുക, തസ്തിക വെട്ടിക്കുറയ്ക്കാനുള്ള നീക്കം ഉപേക്ഷിക്കുക, വിലക്കയറ്റം തടയുക എന്നീ ആവശ്യങ്ങളുന്നയിച്ചാണ് പണിമുടക്ക്.
സര്‍ക്കാര്‍ നിഷേധാത്മക സമീപനം തുടരുന്നതിനാലാണ് പണിമുടക്കിന് നിര്‍ബന്ധിതരായതെന്ന് സംയുക്ത സമരസമിതി വാര്‍ത്താക്കുറിപ്പില്‍ വ്യക്തമാക്കി. പോലിസിനെ ഉപയോഗിച്ചും ഡയസ്‌നോണ്‍ പ്രഖ്യാപിച്ചും പണിമുടക്കിനെ പരാജയപ്പെടുത്താനുള്ള ശ്രമം ശക്തമായി നേരിടുമെന്നും സമരസമിതി അറിയിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക