|    May 23 Tue, 2017 1:07 am
FLASH NEWS

സരിതയുടെ മൊഴി; പോലിസ് അസോസിയേഷന്‍ കേസ് നല്‍കും

Published : 6th February 2016 | Posted By: SMR

തിരുവനന്തപുരം: സോളാര്‍ കമ്മീഷനില്‍ സരിത നല്‍കിയ മൊഴിയില്‍ കേരള പോലിസ് അസോസിയേഷനെതിരെയും സംസ്ഥാന ജനറല്‍ സെക്രട്ടറിക്കെതിരെയും നടത്തിയ അപകീര്‍ത്തികരമായ ആരോപണങ്ങള്‍ക്കെതിരേ ഹൈക്കോടതിയില്‍ മാനനഷ്ടക്കേസ് ഫയല്‍ ചെയ്യുമെന്ന് അസോസിയേഷന്‍ ജനറല്‍ സെക്രട്ടറി ജി ആര്‍ അജിത് വാര്‍ത്താസമ്മേളനത്തില്‍ അറിയിച്ചു.
സോളാര്‍ വിവാദം ഉണ്ടായപ്പോള്‍ മുതല്‍ അസോസിയേഷനെതിരേ ഇത്തരം ആരോപണങ്ങള്‍ ഉയര്‍ന്നതാണ്. അന്ന് 40 ലക്ഷം രൂപ നല്‍കി എന്നായിരുന്നു പറഞ്ഞിരുന്നത്. എന്നാല്‍, ഇന്നത് 20 ലക്ഷം രൂപയായി ചുരുങ്ങിയിട്ടുമുണ്ട്. സരിതയുമായോ സരിതയുടെ സ്ഥാനങ്ങളുമായോ നേരിട്ടോ ഫോണ്‍വഴിയോ തനിക്ക് യാതൊരു ബന്ധവുമില്ല. അസോസിയേഷനുമായി യാതൊരു സാമ്പത്തിക ഇടപാടും നടന്നിട്ടില്ല. ആരോപണത്തില്‍ പറയുന്ന കൊല്ലത്തെ സംസ്ഥാന സമ്മേളനത്തിന് വേണ്ടിയോ സമ്മേളനത്തില്‍ പ്രസിദ്ധീകരിച്ച സ്മരണികയ്ക്കു വേണ്ടിയോ സരിതയുടെ പണം വാങ്ങിയിട്ടിെല്ലന്നും ജനറല്‍ സെക്രട്ടറി പറഞ്ഞു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day