|    May 28 Sun, 2017 4:19 pm
FLASH NEWS

സമ്പൂര്‍ണ ശാക്തീകരണം ഇമാംസ് കൗണ്‍സില്‍ ലക്ഷ്യം: ഈസാ മൗലവി

Published : 20th January 2016 | Posted By: SMR

കായംകുളം: സമുദായത്തിന്റെ അടിസ്ഥാന ഘടകമായ മഹല്ലുകള്‍ ശാക്തീകരിക്കുന്നതിലൂടെ സമ്പൂര്‍ണ ശാക്തീകരണം എന്ന ലക്ഷ്യമാണ് ഇമാംസ് കൗണ്‍സില്‍ പൂര്‍ത്തീകരിക്കുന്നതെന്ന് ഓള്‍ ഇന്ത്യ ഇമാംസ് കൗണ്‍സില്‍ സംസ്ഥാന അധ്യക്ഷന്‍ മൗലാന മുഹമ്മദ് ഈസാ ഫാളില്‍ മമ്പഈ പറഞ്ഞു.
ഓള്‍ ഇന്ത്യ ഇമാംസ് കൗണ്‍സില്‍ കായംകുളം വ്യാപാരഭവനില്‍ സംഘടിപ്പിച്ച മഹല്ല് മാനേജ്‌മെന്റ് ഭാരവാഹികളുടെ തെക്കന്‍ മേഖലാ ട്രെയിനിങ് ക്യാംപ് ഉദ്ഘാടനം ചെയ്യുകയായിരുന്നു അദ്ദേഹം. സാംസ്‌കാരികമായും സാമ്പത്തികമായും വിദ്യാഭ്യാസപരമായും തൊഴില്‍പരമായും സ്വയംപര്യാപ്തമായ മഹല്ലുകള്‍ ഉണ്ടാവുന്നതിലൂടെ മാത്രമേ ഈ ലക്ഷ്യം സാക്ഷാല്‍ക്കരിക്കപ്പെടുകയുള്ളൂവെന്ന് അദ്ദേഹം പറഞ്ഞു. സംസ്ഥാന ജനറല്‍ സെക്രട്ടറി നിസാറുദ്ദീന്‍ മൗലവി അധ്യക്ഷത വഹിച്ചു. അബ്ദുല്‍ അസീസ് ആക്‌സസ് ഇന്ത്യ എക്‌സി. ഡയറക്ടര്‍ ഡോ. സി ടി സുലൈമാന്‍ സ്വാലിഹ് മൗലവി, ഷബീര്‍ഖാന്‍ മൗലവി, അഡ്വ. എഎംഎ നൗഫല്‍ എന്നിവര്‍ സംസാരിച്ചു. മഹല്ല് മാനേജ്‌മെന്റ് ഭാരവാഹികള്‍ക്കായി വടക്കന്‍ മേഖലാ ട്രെയിനിങ് ക്യാംപ് ഇന്ന് കോഴിക്കോട് ഹോട്ടല്‍ മെട്രോ ടവറില്‍ നടക്കുമെന്നു ഭാരവാഹികള്‍ അറിയിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day