|    Jan 21 Sun, 2018 10:33 pm
FLASH NEWS

സമരപ്പന്തല്‍ പോലിസ് നീക്കി; സമരം ഫുട്പാത്തില്‍ തുടരും

Published : 3rd January 2018 | Posted By: kasim kzm

കൊയിലാണ്ടി: നന്തി- ചെങ്ങോട്ട്കാവ് ബൈപാസ് വിരുദ്ധ കര്‍മസമിതിയുടെ സമരപ്പന്തല്‍ പോലിസ് പൊളിച്ചുനീക്കി. പ്രവര്‍ത്തകര്‍ ഫുട്പാത്തിലിരുന്നു സമരം തുടര്‍ന്നു. തിങ്കളാഴ്ച രാത്രിയാണ് പോലിസ് സമരപന്തല്‍ പൊളിച്ചുനീക്കിയത്. ഒന്നിന് ആശുപത്രിക്ക് മുന്‍വശത്ത് അനിശ്ചിതകാല സത്യാഗ്രഹസമരത്തിലായിരുന്നു കര്‍മസമിതി. എന്നാല്‍ നിയമവിരുദ്ധമായാണ് പന്തല്‍ കെട്ടിയതെന്ന് പറഞ്ഞാണ് പോലിസ് പൊളിച്ചുനീക്കിയത്. കഴിഞ്ഞ 20 ദിവസം ഈ സ്ഥലത്തു കോണ്‍ഗ്രസ് സമരപന്തല്‍ കെട്ടിയിരുന്നു.
എന്നാല്‍ സിപിഎം സമ്മേളനത്തിന്റെ മാറ്റ് കുറയ്ക്കുമെന്ന ആശങ്കയില്‍ നേതൃത്വം ഇടപെട്ടാണ് പന്തല്‍ പോലിസിനെകൊണ്ട് പൊളിച്ചുമാറ്റിച്ചതെന്നാണ് കര്‍മ സമിതി പറയുന്നത്. പന്തലില്ലാതെ സമരം തുടരാനാണ് കര്‍മ സമിതി തീരുമാനം.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day