|    Nov 19 Mon, 2018 7:03 am
FLASH NEWS
Home   >  Todays Paper  >  Page 5  >  

സമരത്തെ തള്ളി ദേവസ്വം ബോര്‍ഡ് അംഗം

Published : 21st October 2018 | Posted By: kasim kzm

ശബരിമല: യുവതീ പ്രവേശനത്തിനെതിരേ ശബരിമലയിലെ പതിനെട്ടാംപടിക്കു മുന്നില്‍ സമരം ചെയ്ത പരികര്‍മിമാരെ വിമര്‍ശിച്ച് ദേവസ്വം ബോര്‍ഡ് അംഗം കെ പി ശങ്കര്‍ ദാസ് രംഗത്തെത്തി.
തന്ത്രിമാര്‍ സമരമുഖത്ത് എത്തുന്നത് അംഗീകരിക്കാനാവില്ല. പൂജയില്‍ മേല്‍ശാന്തിമാരെ സഹായിക്കാന്‍ വേണ്ടിയാണു പരികര്‍മികളുള്ളത്. അവരുടെ ജോലി സമരം ചെയ്യലല്ല. അതുകൊണ്ടാണ് അവരോടു വിശദീകരണം ചോദിച്ചതെന്നും അദ്ദേഹം വ്യക്തമാക്കി.
സന്നിധാനത്തു യുവതികള്‍ വന്നാല്‍ നടയടയ്ക്കുമെന്ന കണ്ഠരര് രാജീവരുടെ പ്രഖ്യാപനം കോടതിവിധിയോടുള്ള ലംഘനമാണെന്നും ഇതിനോടു യോജിക്കാനാവില്ലെന്നും ശങ്കര്‍ദാസ് ചൂണ്ടിക്കാട്ടി.
അതേസമയം സമരം ചെയ്ത പരികര്‍മിമാരെപിന്തുണച്ച് മാളികപ്പുറം മേല്‍ശാന്തി അനീഷ് നമ്പൂതിരി രംത്തെത്തി. പരികര്‍മികള്‍ നാമജപം നടത്തിയതു തെറ്റല്ല.
ക്ഷേത്രങ്ങളിലാണു നാമജപം നടത്തേണ്ടത്. അതിനെ പ്രോല്‍സാഹിപ്പിക്കുകയാണു വേണ്ടത്. മനസ്സിനു വിഷമം തോന്നുമ്പോഴാണു നാമജപം നടത്തുന്നത്. അത്തരം സാഹചര്യത്തിലാണു പരികര്‍മികള്‍ ഇറങ്ങിയതെന്നും അദ്ദേഹം പറഞ്ഞു.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss