|    Mar 23 Thu, 2017 4:08 pm
FLASH NEWS

സബ് ട്രഷറിയില്‍ കുടിവെള്ള കണക്ഷന്‍ നല്‍കണമെന്ന്

Published : 10th February 2016 | Posted By: SMR

മാള: ഹൈക്കോടതി ഉത്തരവ് പ്രകാരം അന്നമനടയില്‍ നിന്നും മാളയിലേക്ക് മാറ്റി സ്ഥാപിച്ച സബ് ട്രഷറിക്ക് എത്രയും വേഗത്തില്‍ വാട്ടര്‍ കണക്ഷന്‍ നല്‍കണമെന്ന് കേരള സ്‌റ്റേറ്റ് സര്‍വീസ് പെന്‍ഷനേഴ്‌സ് യൂനിയന്‍ പൊയ്യ പഞ്ചായത്ത് സമ്മേളനം ആവശ്യപ്പെട്ടു.
ട്രഷറിയില്‍ എത്തുന്ന പ്രായമേറിയ പെന്‍ഷന്‍കാര്‍ക്കും പൊതുജനങ്ങള്‍ക്കും പ്രാധമികാവശ്യങ്ങള്‍ നിറവേറ്റുന്നതിന് ആവശ്യമായ വെള്ളം ലഭിക്കാത്ത സാഹചര്യത്തില്‍ കുടിവെള്ള കണക്ഷന്‍ നല്‍കാന്‍ വിമുഖത കാണിക്കുന്ന അധികാരികളുടെ നിലപാടില്‍ സമ്മേളനം പ്രതിഷേധം രേഖപ്പെടുത്തി.
ബ്‌ളോക്ക് പഞ്ചായത്ത് പ്രസിഡന്റ് വര്‍ഗീസ് കാച്ചപ്പിള്ളി സമ്മേളനം ഉദ്ഘാടനം ചെയ്തു. യൂനിറ്റ് പ്രസിഡന്റ് ടി കെ സദാനന്ദന്‍ അധ്യക്ഷത വഹിച്ചു. സംസ്ഥാന സെക്രട്ടറി വി വി പരമേശ്വരന്‍ മുഖ്യപ്രഭാഷണം നടത്തി. ജൂനിയര്‍ ബാഡ്മിന്റന്‍ ചാംപ്യന്‍ മീനു തോമസ് ചക്കാലമറ്റത്തിനെ കെ എ അനീഫ മൊമന്റോ നല്‍കി ആദരിച്ചു. ആര്‍ കെ ഭാര്‍ഗവി ടീച്ചര്‍, ബാബു ജോസഫ്, എ കെ രവീന്ദ്രന്‍, കെ സി തോമസ്, എ എഫ് അഫ്രേം സംസാരിച്ചു. പുതിയ ഭാരവാഹികളായി ടി കെ സദാനന്ദന്‍ (പ്രസിഡന്റ് ), പി വി മേരി, സി എ തോമസ് (വൈസ് പ്രസിഡന്റുമാര്‍ ), എ കെ രവീന്ദ്രന്‍(സെക്രട്ടറി ), എ എഫ് അഫ്രേം, എ സി ശ്രീധരന്‍(ജോഃ സെക്രട്ടറിമാര്‍ ), കെ കെ റാഫേല്‍ (ഖജാന്‍ജി ).

(Visited 59 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക