|    Jun 23 Sat, 2018 9:51 pm
FLASH NEWS
Home   >  Sports  >  Cricket  >  

സന്നാഹം ഗംഭീരമാക്കി ഇന്ത്യ ന്യൂസിലന്‍ഡിനെ തോല്‍പ്പിച്ചത് 45 റണ്‍സിന്

Published : 28th May 2017 | Posted By: ev sports

ലണ്ടന്‍: ഐസിസി ചാംപ്യന്‍സ് ട്രോഫിക്ക് മുന്നോടിയായുള്ള സന്നാഹ മല്‍സരത്തില്‍ ന്യൂസിലന്‍ഡിനെതിരേ ഇന്ത്യക്ക് ജയം. മഴമൂലം രണ്ടാം ബാറ്റിങ് തടസപ്പെട്ടതിനെത്തുടര്‍ന്ന് ഡക്ക്‌വര്‍ത്ത് ലൂയിസ് നിയമപ്രകാരം 45 റണ്‍സിനാണ് ഇന്ത്യ വിജയം സ്വന്തമാക്കിയത്. ആദ്യം ബാറ്റ് ചെയ്ത ന്യൂസിലന്‍ഡ് 38.4 ഓവറില്‍ 189 റണ്‍സിന് കൂടാരം കയറി. 190 റണ്‍സ് വിജയ ലക്ഷ്യത്തിലേക്ക് ബാറ്റ് വീശിയ ഇന്ത്യ 26 ഓവറില്‍ മൂന്ന് വിക്കറ്റ് നഷ്ടത്തില്‍ 129 റണ്‍സെന്ന നിലയില്‍ നില്‍ക്കുമ്പോള്‍ മഴ കളി തടസപ്പെടുത്തുകയായിരുന്നു.
വിദേശ മണ്ണിലും ഇന്ത്യയുടെ ബൗളിങ് പടയ്ക്ക് മൂര്‍ച്ചയുണ്ടെന്ന് തെളിയിക്കുന്ന പ്രകടനമാണ് ഇന്ത്യന്‍ ബൗളര്‍മാര്‍ പുറത്തെടുത്തത്. തുടക്കം മുതലേ ആക്രമിച്ച് കളിക്കാന്‍ ശ്രമിച്ച ന്യൂസിലന്‍ഡ് ബാറ്റ്‌സ്മാന്‍മാരെ ഇന്ത്യന്‍ ബൗളര്‍മാരെ കൃത്യമായ ഇടവേളകളില്‍ വിക്കറ്റിന് മുന്നില്‍ കുടുക്കിയതോടെ ന്യൂസിലന്‍ഡ് 189 എന്ന സ്‌കോറില്‍ ഒതുങ്ങുകയായിരുന്നു. ഇന്ത്യക്കുവേണ്ടി ഭുവനേശ്വര്‍ കുമാര്‍ 6.4 ഓവറില്‍ 28 റണ്‍സ് വിട്ട് നല്‍കി മൂന്ന് വിക്കറ്റുകള്‍ സ്വന്തമാക്കിയപ്പോള്‍ മുഹമ്മദ് ഷമി എട്ടോവറില്‍ 47 റണ്‍സ് വിട്ടുനില്‍കി മൂന്ന് വിക്കറ്റും വീഴ്ത്തി. രവീന്ദ്ര ജഡേജ നാലോവറില്‍ എട്ട് റണ്‍സിന് രണ്ടും രവിചന്ദ്ര അശ്വിന്‍ ഉമേഷ് യാദവ് എന്നിവര്‍ ഓരോ വിക്കറ്റും വീഴ്ത്തി തിലങ്ങി. കിവീസ് നിരയില്‍ 66 റണ്‍സെടുത്ത ലൂക്ക് റോഞ്ചി ടോപ്‌സ്‌കോററായി. ജെയിംസ് നിഷാം(46) പുറത്താവാതെ നിന്നു.
യുവരാജ് സിങും രോഹിത് ശര്‍മയും ഇല്ലാതെയാണ് ഇന്ത്യ ഇറങ്ങിയത്. ഓപണിങ്ങില്‍ അജിന്‍ക്യ രഹാനെ(7) പെട്ടെന്ന മടങ്ങിയെങ്കിലും ശിഖാര്‍ ധവാന്‍(40) തിളങ്ങി. ദിനേഷ് കാര്‍ത്തിക്(0) നിരാശപ്പെടുത്തിയെങ്കിലും വിരാട് കോഹ്‌ലി (52*) അര്‍ധ സെഞ്ച്വറി നേടി പുറത്താവാതെനിന്നു. എംഎസ് ധോണി 17 റണ്‍സെടുത്ത് കോഹ്‌ലിക്ക് മികച്ച പിന്തുണ നല്‍കി. കിവീസിന് വേണ്ടി ടിം സൗത്തി ട്രന്റ് ബോള്‍ട്ട്, ജെയിംസ് നിഷാം എന്നിവര്‍ ഓരോ വിക്കറ്റുകള്‍ വീഴ്ത്തി. ന്യൂസിലന്‍ഡ് ആദ്യ സന്നാഹ മല്‍സരത്തില്‍ ബംഗ്ലാദേശിനോട് പരാജയപ്പെട്ടിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss