|    Oct 16 Tue, 2018 5:34 am
FLASH NEWS

സത്യഗ്രഹ സമരപ്പന്തല്‍ എസ്ഡിപിഐ സംസ്ഥാന പ്രസിഡന്റ് സന്ദര്‍ശിച്ചു

Published : 27th February 2018 | Posted By: kasim kzm

വടകര: സീറോ വേസ്റ്റ് പദ്ധതിയുടെ ഭാഗമായി ജെടി റോഡില്‍ നഗരസഭ സ്ഥാപിക്കാനുദ്ദേശിക്കുന്ന മാലിന്യ സംഭരണ കേന്ദ്രത്തിനെതിരെ സമരസമിതി നടത്തുന്ന അനിശ്ചിതകാല റിലേ സത്യാഗ്രഹ സമരപന്തല്‍ എസ്ഡിപിഐ സംസ്ഥാന പ്രസിഡന്റ് അബ്ദുല്‍ മജീദ് ഫൈസി സന്ദര്‍ശിച്ച് ഐക്യദാര്‍ഢ്യം അറിയിച്ചു. ഇന്നലെ വൈകുന്നേരം 5.30ഓടെയാണ് അദ്ദേഹം സമരപന്തലിലെത്തിയത്. സമരസമിതി നേതൃത്വം നല്‍കുന്ന സമരത്തിന് എല്ലാവിധ പിന്തുണയും അദ്ദേഹം അറിയിച്ചു. ചടങ്ങില്‍ എസ്ഡിപിഐ നേതാക്കളായ റസാഖ് മാക്കൂല്‍, സവാദ് വടകര, സിദ്ധീഖ് പുത്തൂര്‍, കെവിപി ഷാജഹാന്‍, സമരസമിതി ജോയിന്റ് കണ്‍വീനര്‍ ഷംസുദ്ധീന്‍ മുഹമ്മദ് സംസാരിച്ചു. അനിശ്ചിതകാല സത്യാഗ്രഹ സമരം 26 ദിവസം പിന്നിട്ടിരിക്കുകയാണ്. ഇന്നലെ സമരസമിതിയുടെ നേതൃത്വത്തില്‍ ജില്ലാ കലക്ടര്‍ക്ക് കേന്ദ്രം മാറ്റി സ്ഥാപിക്കണമെന്നാവശ്യപ്പെട്ട് പരാതി നല്‍കിയിട്ടുണ്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss