|    May 23 Tue, 2017 6:58 am
FLASH NEWS

സഞ്ജയ് ദത്ത് ഫെബ്രുവരി 27ന് ജയില്‍മോചിതനാവും

Published : 7th January 2016 | Posted By: G.A.G

മുംബൈ: 1993ലെ മുംബൈ സ്‌ഫോടനപരമ്പര കേസില്‍ ശിക്ഷിക്കപ്പെട്ട ബോളിവുഡ് നടന്‍ സഞ്ജയ്ദത്ത് ഫെബ്രുവരി 27ന് ജയില്‍മോചിതനാവും. അദ്ദേഹത്തിന്റെ ശിക്ഷ ഇളവുചെയ്യണമെന്ന നിര്‍ദേശത്തിന് മഹാരാഷ്ട്ര സര്‍ക്കാര്‍ അനുമതിനല്‍കിയിട്ടുണ്ട്.

ആഭ്യന്തരവകുപ്പ് അംഗീകരിച്ചതിനെത്തുടര്‍ന്ന് ജയില്‍ ചട്ടങ്ങള്‍ അനുസരിച്ചാണ് ദത്തിന് ഇളവുനല്‍കുന്നതെന്നു മുതിര്‍ന്ന ഉദ്യോഗസ്ഥന്‍ പറഞ്ഞു. ദത്തിനെ വിട്ടയക്കാനുള്ള ഉത്തരവില്‍ മഹാരാഷ്ട്ര ആഭ്യന്തര സഹമന്ത്രി രഞ്ജിത്ത് പാട്ടില്‍ ഒപ്പുവച്ചിട്ടുണ്ട്. മുംബൈ സ്‌ഫോടനത്തിനായി ഇറക്കിയ ആയുധങ്ങളിലൊന്ന് സഞ്ജയ്ദത്തിന്റെ പക്കല്‍ നിന്നു കണ്ടെടുത്തതിനെത്തുടര്‍ന്നാണ് അദ്ദേഹത്തിനെതിരേ കേസെടുത്തത്.

1996ലാണ് ദത്തിനെ ജയിലിലടച്ചത്. 18 മാസം ജയിലില്‍ കഴിഞ്ഞ ശേഷമാണ് ദത്തിനു ജാമ്യം ലഭിച്ചത്.2013ല്‍ സുപ്രിംകോടതി അദ്ദേഹത്തെ അഞ്ചുവര്‍ഷത്തെ തടവിനു ശിക്ഷിച്ചു. 18 മാസം നേരത്തെ ജയിലില്‍ കഴിഞ്ഞതിനാല്‍ അവശേഷിക്കുന്ന 42 മാസത്തെ ശിക്ഷ ദത്ത് ഇപ്പോള്‍ അനുഭവിച്ചുവരികയാണ്.  2013ല്‍ വീണ്ടും ജയിലില്‍ അടയ്ക്കപ്പെട്ടതിനുശേഷം നാലുതവണ അദ്ദഹം പരോളിലിറങ്ങിയിട്ടുണ്ട്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day