|    May 29 Mon, 2017 1:25 pm
FLASH NEWS

സഞ്ജയ് ദത്ത്  ജയില്‍മോചിതനായി

Published : 26th February 2016 | Posted By: SMR

പൂനെ: 1993ലെ മുംബൈ ബോംബ് സ്‌ഫോടനപരമ്പരക്കേസില്‍ ശിക്ഷിക്കപ്പെട്ട ബോളിവുഡ് നടന്‍ സഞ്ജയ് ദത്ത് യെര്‍വാദ സെന്‍ട്രല്‍ ജയിലില്‍ നിന്നു മോചിതനായി. ഇന്നലെ രാവിലെ 8.45 ഓടെയാണ് ദത്ത് ജയിലില്‍ നിന്ന് പുറത്തിറങ്ങിയത്.
ഭാര്യ മാന്യത, സുഹൃത്തും മുന്നഭായി സിനിമയുടെ നിര്‍മാതാവുമായ രാജ്കുമാര്‍ ഹിറാനി തുടങ്ങിയവര്‍ ജയിലിനു പുറത്ത് ദത്തിനെ സ്വീകരിക്കാനെത്തിയിരുന്നു. നല്ലനടപ്പ് പരിഗണിച്ച് 103 ദിവസം നേരത്തെയാണു ദത്തിനെ ജയിലില്‍ നിന്നു മോചിപ്പിച്ചത്. 42 മാസത്തെ ശിക്ഷയാണു ദത്ത് അനുഭവിച്ചത്. കാലാവധിയെത്തുന്നതിനു മുമ്പ് ദത്തിനെ മോചിപ്പിച്ചതിനെതിരേ പ്രതിഷേധവുമായി ഏതാനും ചിലര്‍ ജയിലിന് മുന്നിലെത്തിയിരുന്നു. ജയില്‍ പരിസരത്തുനിന്ന് കാറില്‍ ബന്ധുക്കളോടൊപ്പം പൂനെ വിമാനത്താവളത്തിലെത്തിയ ദത്ത് പ്രത്യേകം ചാര്‍ട്ടര്‍ ചെയ്ത വിമാനത്തില്‍ മുംബൈക്ക് പുറപ്പെട്ടു.
മുംബൈ സ്‌ഫോടനവുമായി ബന്ധപ്പെട്ട് നിയമവിരുദ്ധമായി ആയുധം സൂക്ഷിച്ച കേസിലാണ് 1993 ഏപ്രില്‍ 19ന് സഞ്ജയ് ദത്തിനെ പോലിസ് അറസ്റ്റ് ചെയ്തത്. ടാഡ കോടതി 2007ല്‍ ആറുവര്‍ഷം തടവുശിക്ഷ വിധിച്ചു. പിന്നീട് സുപ്രിംകോടതി അഞ്ചുവര്‍ഷമായി കുറച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day