|    Nov 14 Wed, 2018 12:10 pm
FLASH NEWS

സഞ്ചാരസ്വാതന്ത്ര്യം നിഷേധിക്കുന്നതായി പരാതി

Published : 18th May 2018 | Posted By: kasim kzm

പൊന്നാനി: പൊതുവഴിയില്‍ മാലിന്യം നിക്ഷേപിച്ചും തടസ്സം സൃഷ്ടിച്ചും സ്വകാര്യ വ്യക്തി യാത്രാമാര്‍ഗം മുടക്കുന്നതായി പ്രദേശവാസികളുടെ പരാതി. പൊന്നാനി നഗരസഭയിലെ ആറാം വാര്‍ഡില്‍ മാപ്പിള സ്‌കൂളിനു സമീപത്തെ പൊതുവഴിയാണു സ്വകാര്യ വ്യക്തി തടസം സൃഷ്ടിച്ചു പരിസരവാസികള്‍ക്കു സഞ്ചാരസ്വാതന്ത്ര്യം നിഷേധിക്കുന്നത്. വര്‍ഷങ്ങള്‍ക്കു മുമ്പ് വഴിയെച്ചൊല്ലി തര്‍ക്കം നിലനിന്നിരുന്നെങ്കിലും കോടതി ഇടപെട്ട് ഇതു പൊതുവഴിയാണെന്നു ബോര്‍ഡ് സ്ഥാപിക്കുകയായിരുന്നു. ഇതേതുടര്‍ന്നാണു വഴിയില്‍ ചെളിയും മറ്റവശിഷ്ടങ്ങളും തൊട്ടടുത്ത വീട്ടുടമ നിക്ഷേപിച്ചത്. പല തവണ പരാതിപ്പെട്ടിട്ടും ഇത്തരം പ്രവൃത്തികള്‍ തുടരുകയാണെന്നാണു പ്രദേശവാസികള്‍ പറയുന്നത്.
നാലോളം കുടുംബങ്ങള്‍ക്കു പുറം ലോകത്തെത്താനുള്ള ഏക മാര്‍ഗമാണ് സ്വകാര്യ വ്യക്തി തടസപ്പെടുത്തുന്നതായി പരാതി ഉയര്‍ന്നിരിക്കുന്നത്. കൂടാതെ റോഡില്‍ ചെളി കോരി ഒഴിച്ചതിനെത്തുടര്‍ന്നു തൊട്ടടുത്ത വീട്ടിലെ വൃദ്ധന്‍ തെന്നി വീഴുകയും പരിക്കുകളോടെ മെഡിക്കല്‍ കോളജ് ആശുപത്രിയില്‍ പ്രവേശിപ്പിക്കുകയും ചെയ്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss