|    Jan 20 Fri, 2017 1:33 pm
FLASH NEWS

സഖ്യസേനാ വ്യോമാക്രമണത്തില്‍ 10 ഇറാഖി സൈനികര്‍ കൊല്ലപ്പെട്ടു

Published : 20th December 2015 | Posted By: SMR

ബഗ്ദാദ്: ഐഎസിനെതിരേയുള്ള സഖ്യസേനാ വ്യോമാക്രമണം ലക്ഷ്യംതെറ്റിയതിനെ തുടര്‍ന്ന് ഓഫിസര്‍ ഉള്‍പ്പെടെ 10 ഇറാഖി സൈനികര്‍ കൊല്ലപ്പെട്ടു. ഫലൂജയ്ക്കു സമീപം യുഎസ് നേതൃത്വത്തിലുള്ള സഖ്യസേന നടത്തിയ വ്യോമാക്രമണത്തിലാണ് സൈനികര്‍ കൊല്ലപ്പെട്ടത്. അന്‍ബാര്‍ മോചിപ്പിക്കുന്നതിനുള്ള സൈനികദൗത്യത്തില്‍ ഏര്‍പ്പെട്ട ഇറാഖി സൈന്യത്തിനു പിന്തുണയുമായെത്തിയ സഖ്യസേനയുടെ വ്യോമാക്രമണം ലക്ഷ്യം തെറ്റുകയായിരുെന്നന്നു യുഎസ് സൈന്യം പ്രസ്താവനയില്‍ അറിയിച്ചു. നിരവധിപേര്‍ക്ക് പരിക്കേറ്റതായി ഇറാഖി സംയുക്ത സൈനിക കമാന്‍ഡ് അറിയിച്ചു.
ഐഎസ് നിയന്ത്രണത്തിലുള്ള അന്‍ബാര്‍ പ്രവിശ്യയില്‍ ഇറാഖി സൈന്യം ദിവസങ്ങളായി ആക്രമണം നടത്തിവരുകയാണ്. ശക്തമായ പോരാട്ടം നടക്കുന്ന ഫലൂജയ്ക്കു സമീപമുണ്ടായ വ്യോമാക്രമണത്തില്‍ ഇരുഭാഗത്തും ആളപായമുണ്ടായതായി ഇറാഖി സംയുക്ത കമാന്‍ഡര്‍ അറിയിച്ചു. ഇറാഖി സൈന്യത്തിന്റെ അഭ്യര്‍ഥന മാനിച്ചാണ് സഖ്യസേന ഇവിടെ വ്യോമാക്രമണത്തിനെത്തിയത്.

Share on FacebookShare on Google+Tweet about this on TwitterShare on LinkedIn
(Visited 50 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക